Unicode ❄️❄️❄️❄️❄️❄️❄️❄️❄️❄️
" Omo လန့်လိုက်တာ ..... "
မနက်အစောပိုင်း အမှိုက်အိတ်ပစ်ဖို့ထွက်လာရင်း အိမ်ရှေ့ခြံတံခါးကိုမှီရင်း မျက်လုံးတွေမှိတ်ထားသည့် Jennieနှင့်ရွယ်တူလောက်ရှိမည့် ကောင်မလေးကို တွေ့လိုက်ရတာကြောင့် Jennie ၏ မိခင်ဖြစ်သူမှာ အနည်းငယ်လန့်သွားသည်။
" ဒီမှာကလေးမ ... "
ပခုံးလေးကို အသာကိုင်၍ လှုပ်နိုးတော့လည်း နိုးမလာတာကြောင့် အိပ်ပျော်နေသည့် Jennie ကို သွားနှိုးတာ နှစ်ယောက်အတူ Lisa ကိုတွဲခေါ်၍ Jennie အခန်းထဲမှ ကုတင်ပေါ်တွင်သာ ထားရတော့သည်။
" NiNi လေး သူငယ်ချင်းလား "
" ဟုတ်တယ် အမေ ... ရင်းနှီးတာတော့မကြာသေးပါဘူး "
" NiNi လေး သူငယ်ချင်းက လူကောင်းပါနော် လက်မှာလည်း ဒဏ်ရာတွေနဲ့ လူမိုက်တော့မဟုတ်ဘူးမလား "
လက်တစ်ခုလုံး စုတ်ပြတ်သတ်အောင် ဖြစ်နေသည့် ဒဏ်ရာတွေနှင့်သွေးစတွေကို ကြည့်ရင်း Jennie အမေကဆိုလာသည်။
" မဟုတ်ပါဘူး လူကောင်းပါ အိမ်နဲ့ပြဿနာတတ်လာပုံရတယ် "
" လူကောင်းဆိုလည်းပြီးတာပါပဲ .... ကလေးမကိုယ်တွေပူနေတယ်နော် ရေပတ်တိုက်ဖို့ အောက်ထပ်မှာ လိုတာလေးတွေ သွားယူလိုက်ဦးမယ် "
" ဟုတ်ကဲ့ "
မနေ့ညက နောက်ဆုံးစကားပြောသည်အထိ အားလုံးအဆင်ပြေနေသေးပေမယ့် နိုးနိုးချင်း အခုလို ပုံစံမြင်လိုက်ရသည်မို့ သိပ်ကိုစိတ်ပူနေရသည်။ ညကတည်းက အိမ်ရှေ့ရောက်နေသည်ကို ဖုန်းဆက်မနှိုးတာကြောင့်လည်း အပြစ်တင်ရသေးသည်။ မတော်တဆတစ်ခုခုဖြစ်သွားရင်ဘယ်လိုလုပ်မလဲ။ အခုတောင် တစ်ကိုယ်လုံးကခြစ်ခြစ်တောက်ပူနေပြီ။ လက်တွေဆိုတာကလည်း သွေးစတွေ၊ ဖန်ကွဲစတွေနဲ့ ရစရာမရှိတော့ဘူး ...
လက်ကဒဏ်ရာကို သေချာ သန့်စင်ပြီး ဆေးထည့်ကာ ပတ်တီးစည်းပေးတော့ အိပ်ပျော်နေသည့် Ban ကမျက်ခုံးတွေက အနည်းငယ်တွန့်သွားသည်မှာ နာကျင်သွားတာကြောင့်ထင်ပါရဲ့။ ရေပတ်ဝတ်တွေ တင်ပေးထားသည့်တိုင် အပူချိန်ကကျမသွားသည်မို့ စိတ်ပူသည်ထက်ကို ပိုပြီးစိတ်ပူလာရသည်။ Ban က စိတ်ပူရအောင် ခဏခဏကိုလုပ်နေတော့တာပဲ ...
YOU ARE READING
Voice In My Ears
Romance" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
