Unicode ❄️❄️❄️❄️❄️❄️❄️❄️❄️❄️
" Ban ဒီနေ့ ဘက်စကက်ဘော ပြိုင်ပွဲရှိတယ်ဆို "
ကျောင်းရဲ့ ပန်းခြံထဲမှာ မျက်နှာချင်းဆိုင်ထိုင်ရင်း ရောက်တက်ရာရာစကားပြောရသည်ကလည်း တစ်နေ့တာအတွက် ကောင်းမွန်တဲ့ အချိန်လေးတွေပါပဲ။ အသံလေးလည်းကြားနေရပြီး မျက်နှာလေးကို ငေးကြည့်နေခွင့်ရတဲ့ အခိုက်အတန့်လေးပဲလေ။ သိပ်ကို သဘောကျချင်စရာပဲမလား ...
" အင်း "
" ဖြစ်ပါ့မလား ခြေထောက်ကအခုမှ သက်သာတာမလား "
Lisa ရဲ့ ခြေထောက်ပေါ်မှာ ပတ်တီးကိုမမြင်ရတော့ပေမယ့် တစ်ခုခုမတော်တဆထပ်ဖြစ်မှာကို မလိုလားတာကြောင့် တားချင်ပေမယ့် အဲ့တစ်ယောက်ကတော့ စကားနားမထောင်ပဲ လုပ်ချင်တာကိုပဲ လုပ်ဦးမယ်ဆိုတာ Jennie အတပ်သိသည်။
" ဖြစ်ပါတယ် Jane ရဲ့ ... အကုန် ကောင်းသွားပြီ "
" ဒါပေမယ့် ... "
" Jane လိုက်ပြီး အားပေးပါလား "
" Ban ကိုတို့ လာအားမပေးလည်း အားပေးမယ့် ကောင်မလေးတွေ ရှိနေတာပဲ တို့လာစရာမလိုပါဘူး "
အနည်းငယ်တော့ ဒီအရိပ်အကဲမသိတဲ့ လူအပေါ် စိတ်ဆိုးမိသည်။ စိတ်ပူလို့တားတာသည်ကို စကားနားမထောင်သည့်အပြင် လိုက်အားပေးဖို့ ခေါ်နေသေးတာ ဘယ်လောက်တောင် အမြင်ကပ်စရာ ကောင်းလိုက်လဲ ...
" မတူဘူးလေ ဘယ်လိုပြောရမလဲ ..... "
" အင်း ပြောကြည့်ပါဦး "
လက်ကိုပိုက်ကာ အလိုမကျခြင်းများစွာဖြင့် မျက်နှာကို တည့်တည့်ကြည့်ကာ မေးလိုက်သည်။
" သူတို့ကို ကိုယ်ကမလာစေချင်ဘူး။ သူတို့အားပေးတာ စိတ်ရှုပ်ဖို့ကောင်းတယ် Jane ကျ ငြိမ်ငြိမ်လေးထိုင်ကြည့်ပြီး အားပေးနေတာဆိုတော့ "
စိတ်ဆိုးနေတာကို မသိပဲ သူပြောချင်တာကိုပြောနေတဲ့ Ban က တကယ့်ကို အရိပ်အခြည်မသိတဲ့ အမြင်ကပ်စရာလူသားလေးပဲ ...
" လိုက်ခဲ့မယ်မလား လိုက်ခဲ့နော် .... ကြာပါတယ် "
ပြန်ပြောလာမယ့် စကားကိုတောင်မစောင့်ပဲ လက်ကနေဆွဲပြီး ခေါ်သွားတော့ စိတ်ဆိုးပြီးတော့သာ လိုက်ချင်ဘူး ပြောနေတာ ခန္ဓာကိုယ်ကတော့ Ban ခေါ်ဆောင်ရာနောက် အလိုလို လိုက်ပါသွားပြီးသား။ စိတ်ဆိုးနေရင်းပဲ Ban ဆွဲကိုင်ထားသည့် လက်လေးကြည့်ရင်း ရင်ခုန်ခြင်းတွေနဲ့အတူ ကြည်နူးခြင်းတွေက ဝင်ရောက်လာသည်။ နှုတ်ခမ်းတွေကလည်း ပြုံးလျက်ရှိသည်ကို ရှေ့က လျှောက်သွားနေသည့် Ban ကတော့ သိနိုင်မှာမဟုတ်ပါဘူး။ ...
ဒီလက်လေးက မလွှတ်တမ်းဖမ်းဆုပ်ထားချင်စရာကောင်းလိုက်ပုံများ ...
YOU ARE READING
Voice In My Ears
Romance" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
