Unicode ❄️❄️❄️❄️❄️❄️❄️❄️❄️❄️
မျက်ခွံလေးပေါ် ခပ်နွေးနွေးထိတွေ့သွားတဲ့ အနမ်းလေးကြောင့် ရင်ခုန်နှုန်းတွေဟာ ထိန်းချုပ်ရ ခက်လိုက်တာဆိုတာများ။ Ban ရဲ့ နှုတ်ခမ်းလေးကြောင့်နဲ့ နေရာမှာတင် ကျောက်ရုပ်ဖြစ်နေရသည်က အချိန်ဘယ်လောက်ထိ ကြာမြင့်နေရသည်ဆိုတာ သတိမထားမိတော့သည်အထိ ရင်ခုန်နေမိတာမျိုး...
နမ်းပြီးပြီးချင်း ချက်ချင်းဆိုသလို မျက်စိရှေ့ကပျောက်ကွယ်သွားရသည်က ဘာကြောင့်ဆိုတာကိုတော့ နောက်တစ်ကြိမ်တွေ့ရင် မေးဖြစ်အောင် မေးရမည်ဟု စိတ်ထဲတွင် မှတ်ထားလိုက်သည်။ သူကပဲနမ်းပြီး သူကပဲထွက်ပြေးသွားတာကို နည်းနည်းလေးမှကို နားမလည်နိုင်ဘူးလေ။ အဲ့အချိန်ကို တွေးမိတိုင်း Ban နှုတ်ခမ်းသားလေးနှင့် ထိတွေ့ဖူးသည့် မျက်ခွံလေးကို အသာထိကိုင်မိတော့ လူဟာ အလိုလျောက်ပြုံးမိပြန်ရော ...
တကယ် ရူးတော့မလိုပဲ
" Jen နင်ဘာဖြစ်နေတာ ခုနကပဲ ဆရာဆူလို့ငိုနေတဲ့သူက အခုတော့ ပြုံးနေလိုက်တာ "
ဘယ်အချိန်ဘေးရောက်လာမှန်းမသိသည့် NaEun လက်ဖြင့်တို့လိုက်မှ စိတ်နဲ့ခန္ဓာဟာပြန်စုစည်းမိလာသည်။
" ဘာမှမဖြစ်ပါဘူး ဒီအတိုင်း ... နေစမ်းပါဦး နင်ကရော ဘယ်တွေသွားနေတာ "
" ဒီအတိုင်းကိစ္စလေးရှိလို့ "
ထွက်ပြေးသွားရသည့် အကြောင်းအရင်းကို မေးချင်လွန်းလို့ တွေ့လိုတွေ့ငြား ခြေချမိတဲ့နေရာတိုင်းမှာ ရှာဖွေကြည့်ပေမယ့်လို့ ကျောင်းဆင်းသည်အထိ Ban အရိပ်အယောင်လေးတောင်မတွေ့ရတဲ့အပြင် ညဘက်တွေမှာလည်း ဖုန်းဆက်မလာတာကြောင့် အနည်းငယ်တော့ စိတ်ကောက်မိသည်။ ထိုင်နေကျ အပင်လေးအောက် သွားကြည့်မိတော့လည်း မရှိသလို ဘက်စကက်ဘောကွင်းမှာလည်း မတွေ့ရပဲ ပျောက်ချက်သားကောင်းနေလိုက်ပုံက လူများသည့် ကျောင်းကန်တင်းမှာဆို ပိုလို့တောင်ဆိုးသေးသည်။ မသိရင် အမှားလုပ်ထားတဲ့ တရားခံက ရဲလက်ကနေ ရှောင်ပြေးနေသလိုမျိုးလေ ...
နောက်ဆုံး ကျောင်းစာကြည့်တိုက်ထဲ ဝင်တော့ စာအုပ်စင်ကို မှီထားပြီးစာဖတ်နေတာလေးကို တွေ့လိုက်တာကြောင့် အနားကိုသွားပြီး လက်တို့ကာခေါ်မည်ပြုလုပ်မှ တစ်ချက်လေးတောင် လှည့်မကြည့်ပဲထွက်သွားတဲ့ban ကြောင့် ဒေါသထွက်မိတာမှ နေရာမှာတင် အမှုန့်ကြိတ်ပစ်ချင်သည်အထိပဲ။
YOU ARE READING
Voice In My Ears
Romance" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
