Unicode ❄️❄️❄️❄️❄️❄️❄️❄️❄️❄️
" အဒေါ်ကြီး Lisa သတိရပြီလား "
" သတိရပြီ အထဲမှာ Jisoo လည်းရောက်နေတယ် "
" အန်တီ့ဆီကို Lisa နေမကောင်းဘူးဆိုတာ အကြောင်းကြားပြီးပြီလား "
" ဟုတ်ကဲ့ ... အကြောင်းကြားထားပြီးပါပြီ"
အခန်းဝမှာတင်ရပ်ကာ စကားပြောနေသည့် Chaeyoung နဲ့ အဒေါ်ကြီးရဲ့ စကားတွေကိုကြားနေရရင်း Ban ဘယ်လောက်အထိ အခြေအနေဆိုးတယ်ဆိုတာ တွေးကာရင်ပူလာရသည်။
" Chaeyoung နင်ဘယ်တွေသွား .... "
ကုတင်ပေါ်မှာ ကုတင်ခေါင်းရင်းကိုကျောမှီထားရင်း Chaeyoung ဝင်လာသည်ကို သိသည်နှင့် အော်လိုက်သည့် Lisa က Jennie ကိုမြင်သည်နှင့် စကားလုံးတွေဟာ လေထဲမှာတင်ပျောက်ရှသွားရသည်။
" ငါ Unnie ကိုသွားခေါ်တာ ... ဒါဆို နင်တို့အေးဆေးစကားပြောကြဦးနော် "
Jisoo ကတော့ ကုတင်ဘေးမှာ ထိုင်နေရင်း Chaeyoung ကိုတစ်လှည့်၊ Lisa ကိုတလှည့်၊ ပြီးတော့ Lisa ရဲ့ မိတ်ဆက်ပေးမှုကြောင့် တစ်ခါသာ တွေ့ဖူးသည့် Jennieကိုတစ်လှည့်ကြည့်ရင်း ကြောင်အအဖြစ်နေသည်။ အူကြောင်ကြောင်လေးဖြစ်နေတဲ့ Jisoo ကို Chaeyoung က မျက်စပစ်ပြကာ အခန်းအပြင်သို့ ခေါ်ထုတ်လာရသည်။
" Jane .... "
Ban ရှေ့ဆက်ပြီး စကားမပြောမိစေရန် Ban အနားသို့ချက်ချင်းလာကာ ကုတင်ပေါ်ထိုင်လိုက်ရင်း Ban ရဲ့ နှုတ်ခမ်းသားတွေပေါ် လက်ညှိုးလေးတင်လို့ တားဆီးလိုက်သည်။
" ဘာမှမပြောနဲ့ Ban .... တို့မေးတာပဲဖြေပေး "
" အင်း "
" ဒီဒဏ်ရာတွေက ဘယ်လိုရလာတာလဲ "
" ဒီအတိုင်း ... ပြိုင်ပွဲလေးတစ်ခုလုပ်လာတာပါ "
" ဘာပြိုင်ပွဲမလို့ ဒီလောက် ဒဏ်ရာရတဲ့အထိ ပြိုင်ရတာလဲ။ အဲ့ပြိုင်ပွဲကဘာမလို့လဲ "
မျက်စိရှေ့ကအပြောအဆို အပြုအမူနဲ့ အကြည့်တွေမှာတင် ဘယ်လောက်ထိစိတ်ပူနေတယ်ဆိုတာ ထင်ထင်ရှားရှားမြင်တွေ့ရသည်မို့ Jane အတွက် ရည်ရွယ်တဲ့ ဆွဲကြိုးနဲ့ ပတ်သက်ပြီး ဒီလို ဒဏ်ရာရလာတာပါ ရယ်လို့ ပြောဖို့ရာအတွက် မဝံ့ရဲခဲ့တော့ဘူး။ မျက်ရည်တွေကျနေတဲ့ အမျိုးသမီးလေးကို ဒီထပ်ပိုပြီး ဝမ်းမနည်းစေဖို့ နှုတ်ဆိတ်၍သာနေလိုက်သည်။
YOU ARE READING
Voice In My Ears
Romance" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
