Unicode ❄️❄️❄️❄️❄️❄️❄️❄️❄️❄️
အချိန်မှန် ဝင်လာတဲ့ ဖုန်းက ဘယ်သူ့ဆီကလဲဆိုတာ ပြေးကြည့်စရာမလိုသည်အထိ Jennie အလွတ်ရနေပြီ။
" Hello Jen .... "
" ခဏနေတောင် တို့ Ban ဆီဖုန်းဆက်တော့မလို့ "
" ဘာလို့လဲ "
" မနက်ဖန်အားလားသိချင်လို့ "
" အားတယ်လေ ဘာလို့လဲ "
" မနက်ဖန်လေ NaEun နဲ့တို့ စက်ဘီးစီးပြီး ပန်းခြံသွားဖို့ စီစဉ်ထားတာ.... အဲဒါ Ban လိုက်ဦးမလား"
" လိုက်ခဲ့မယ်လေ ဒါပေမယ့် စက်ဘီးက မရှိဘူး။ ရပါတယ် သွားဝယ်လိုက်ရင်ရတာပဲ ... ဒါပဲနော် စက်ဘီးသွားဝယ်လိုက်ဦးမယ် မနက်ဖန်မှတွေ့မယ်"
တီခနဲနေအောင် ချသွားတဲ့ဖုန်းကြောင့် Jennie မယ် ကြောင်အအဖြစ်ကာ ကျန်နေခဲ့ရသည်။ ဒါကလည်း ခဏပါပဲ။ ပြီးတော့ ချစ်စရာကောင်းလိုက်တာလို့တွေးပြီး ပြုံးမိပြန်ရော။
Lisa ကတော့ ဖုန်းကိုချက်ချင်းချလိုက်ကာ ဒါရိုက်ဘာဦးလေးကြီးကိုခေါ်၍ စက်ဘီးဝယ်ရန် အပြင်ထွက်လာခဲ့သည်။ ညဘက်တွေ အပြင်ထွက်ရတာ မကြိုက်ပေမယ့် Jennie မျက်နှာလေးကို မြင်ရဖို့အတွက်ဆို ဘာပဲလုပ်ရလုပ်ရ လုပ်နိုင်သည်မို့ ဒီလောက်လေးက Lisa အတွက်တော့ မပြောပလောက်ဘူးမလား။ အဓိကက Jane နဲ့ အတူရှိနေရဖို့ပဲလေ။
စက်ဘီးအရောင်းခန်းမတစ်ခုကိုသွားပြီး အဆင်ပြေမယ်ထင်တဲ့ စက်ဘီးတစ်စီးကို ရွေးကာ ပြန်လာခဲ့လိုက်သည်။
" ဦးလေးကြီးကားခဏရပ်ပေးပါ "
အရင်ကတည်းက တစ်စုံတစ်ယောက်ကို အနိုင်ကျင့်နေတာမျိုး မျက်စိရှေ့မှာမြင်နေရရင် မနေနိုင်တဲ့ Lisa က အခုလည်း လူလေးယောက်လောက်က မိန်းကလေးတစ်ယောက်ကို ရိုက်နှက်နေတာ မြင်မကောင်းတာကြောင့် ကားကိုချက်ချင်းရပ်ခိုင်းလိုက်သည်။
" ဒီမှာ ... ခင်ဗျားတို့ ဘယ်လိုအကြောင်းတွေရှိလည်း မသိပေမယ့် မိန်းကလေးတစ်ယောက်ကို အခုလို ရိုက်နှက်နေတာက မဟုတ်သေးဘူးထင်တယ် "
" ဒီမှာ ကလေးမ မင်းနဲ့မဆိုင်ရင် ထွက်သွားလိုက်စမ်းပါ။ ငါတို့ ကိစ္စကို ဝင်မရှုပ်စမ်းနဲ့ "
YOU ARE READING
Voice In My Ears
Romance" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
