Unicode❄️❄️❄️❄️❄️❄️❄️❄️❄️❄️❄️
နှစ်နှစ်၊ သုံးနှစ်၊ လေးနှစ်၊ ငါးနှစ် အချိန်တွေဘယ်လောက်ကြာကြာ ရင်ထဲက ခံစားချက်တွေက အရင်ကတိုင်းတည်ရှိနေဆဲ။ အရင်အတိုင်း Banကို လွမ်းနေမိဆဲ။ စောင့်မျှော်နေဆဲ။ ကုန်ခမ်းမသွားတဲ့ မျက်ရည်တွေကျမိနေဆဲ နှင်းတွေကျတိုင်းလည်း ပန်းခြံလေးထဲ တစ်ယောက်တည်း ကြိတ်ငိုနေမိဆဲ။ နှစ်ယောက်အတူရှိမှ ကောင်းကင်ကြီးကို အတူကြည့်ကြမယ်ဆိုတဲ့ စကားလေးကြောင့် အမြဲခေါင်းငုံ့လို့ လမ်းလျှောက်မိနေဆဲ ... အရာရာဟာ Ban ထွက်သွားတုန်းကအတိုင်း မပြောင်းမလဲရှိနေဆဲပါပဲ ..
" Jen အခုထိ မမေ့နိုင်သေးဘူးလား "
မိတ်ကပ်ခန်းထဲတွင် NaEun ကမေးလာခြင်းဖြစ်သည်။ အဖြေကို အထပ်ထပ်ကြားပြီးတာတောင် ထပ်ခါထပ်ခါ မေးလေ့ရှိတဲ့ NaEun ကိုလည်း အံ့ဩလို့ကိုမဆုံးနိုင်ဘူး ...
" မေ့ပစ်ရအောင်ချစ်ခဲ့တာ မှမဟုတ်တာ "
နာမည်လေးကြားလိုက်ရုံနဲ့တင် အလိုလိုမျက်ရည်ဝဲလာမိတဲ့ လူဆီကိုလေ ဖွင့်ထားတဲ့လေချွန်သံဟာလည်း အလွမ်းတွေကို ပိုလို့သယ်ဆောင်နေသေးသည်။
" ဒါပေမယ့် သူကနင့်ဆီ အဆက်အသွယ်တောင် လုပ်ခဲ့လို့လား "
" အကြောင်းအရင်းတစ်ခုခုရှိမှာပေါ့ "
နှစ်ယောက်ကြားမှာ ဆက်သွယ်စရာဆိုလို့ အချစ်တွေ ထပ်တူညီတဲ့ နှလုံးသားတစ်စုံပဲရှိတာ ...
" မေ့ပစ်သင့်ပြီ "
NaEun ပြောစကားကြောင့် မှန်ကိုကြည့်နေရာမှ NaEun ထံသို့ အကြည့်တွေရောက်သွားသည်။
" ငါ Ban ကိုချစ်တာ ကုန်ဆုံးမသွားမယ့်အချစ်မျိုး၊ အတိုင်းအတာမရှိတဲ့အချစ်မျိုး၊ ဘယ်လောက် ဝေဝေး လျော့မသွားတဲ့အချစ်မျိုးနဲ့ ချစ်တာ ... အာ့ကြောင့် မေ့ပစ်ဖို့ဆိုတာ လုံးဝမဖြစ်နိုင်တဲ့အရာတစ်ခုပဲ။ ငါသေမှပဲရမယ် .... "
ထို့နောက် နှုတ်ခမ်းတွေ အနည်းငယ် ကော့တက်လို့ ရယ်မိသွားသည်။ မျက်ဝန်းတွေဟာ ကြေကွဲလျက် ...
" သေရင်တောင် Ban အနားမှာ ရှိနေမိမယ်ထင်တာပဲ "
သေသွားရင်တောင် Ban အနားမှာ တွယ်ကပ်နေမိဦးမှာ။ ထိတွေ့ခွင့်မရှိပေမယ့် ငေးကြည့်နေခွင့်ရတယ်လေ။ တချို့သောအချစ်တွေက အနားမှာရှိနေပေးရရုံနဲ့ ကျေနပ်ရတာမျိုးလည်းရှိတယ်လေ ...
YOU ARE READING
Voice In My Ears
عاطفية" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
