Unicode ❄️❄️❄️❄️❄️❄️❄️❄️❄️❄️
" ကိုယ်က Jane ကို ပျော်စရာအကြောင်းတွေပဲပြောပြချင်တာ Jane ရဲ့ ... "
ဒီစကားလေးအဆုံးမှာ အရာရာက တိတ်ဆိတ်လို့သွားပြီး တစ်ယောက် မျက်ဝန်းတွေကို တစ်ယောက်စိုက်ကြည့်နေမိသည်။ သဘောကျလွန်းလို့ ထပ်ခါထပ်ခါနားထောင်မိတဲ့ letter သီချင်းက အခုတော့များ ဒီခံစားချက်တွေနဲ့ တိုက်ဆိုင်နေလိုက်တာဆိုတာ Jane ကိုမြင်ရရင် အဲ့ဒီသီချင်းသံကိုပဲ ကြားနေရသလို အဲ့ဒီသီချင်းလေးကိုနားထောင်ပြန်တော့လည်း Jane ကိုသာ မြင်ယောင်လွမ်းမိသည့်အထိပါပဲ။ တဖြည်းဖြည်းချင်း ဒီ မျက်ဝန်းတွေကိုကြည့်ရင်းပဲ ဝမ်းနည်းလို့လာရသည်။ ဘာကြောင့်များလဲ...
" Lisa တို့သွားတော့မယ် "
အဲ့ဒီမျက်ဝန်းတွေကိုမြင်လိုက်ရရင် ကိုယ်တိုင်ပါဝမ်းနည်းလာပြီး အဲ့ဒီမျက်ဝန်းတွေဆီက ရုန်းမထွက်ချင်တော့ဘူး။ မျက်ဝန်းတွေကနေ နှာခေါင်း ပြီးတော့ နှုတ်ခမ်းဖူးဖူးလေးတွေကို ငေးကြည့်ရင်း ဝမ်းနည်းစိတ်နဲ့အတူ ကပ်ပါလာတဲ့ ရင်ခုန်ခြင်းတွေကို သိသိသာသာခံစားလိုက်ရတော့ ဒီထက်ပိုပြီး ဟန်ဆောင်နိုင်တော့မယ်မထင်ဘူး။
" အော် ... အင်း "
နောက်လှည့်မကြည့်ပဲ ပြေးထွက်သွားသည်ကို Lisa ရပ်လျက်ကြည့်နေမိသည်။ ခပ်မြန်မြန်ပြေးထွက်သွားတဲ့ ကျောပြင်သေးသေးလေးမြင်ကွင်းထဲမှပျောက်ကွယ်သွားတော့မှ ဖုန်းနံပါတ်တောင်းရန်သတိရလိုက်သည်။ ချက်ချင်းအနောက်မှ အပြေးလိုက်သွားပေမယ့် Jane ရဲ့ အရိပ်အယောင်လေးတောင် မတွေ့ရတော့တာကြောင့် လက်လျှော့ကာ အတန်းသို့ပြန်လာခဲ့လိုက်သည်။
...
" Jennie နင်ဘာဖြစ်နေတာလဲ "
" ဘာမှမဖြစ်ပါဘူး "
" ဘာမှမဖြစ်ဘူးသာပြောတယ် တစ်ခုခုဖြစ်နေတာသိသာတယ် "
အဲ့ဒီမျက်ဝန်းတွေကြောင့် ရင်ခုန်လွန်းနေသည်က Jennie ရဲ့ နှလုံးသားလေး မောရသည်အထိပဲ။ တွေ့လိုက်ရသည့်အချိန်တိုင်း Lisa အကြည့်တွေနဲ့ မျက်ဝန်းတွေဆီမှာ နစ်မြောပါသွားရပြီး ထိုမျက်ဝန်းအစုံကို မြင်ယောင်လိုက်တိုင်း Jennie နှလုံးသားဟာ ခုန်ပေါက်နေလိုက်တာများ ထိန်းချုပ်လို့ကိုမရသည်အထိ။ ဒီခံစားချက်တွေအားလုံးဟာ မျက်နှာပေါ်မှာထင်ဟပ်နေတော့ Na Eun ကသတိထားမိသွားတာ ထူးဆန်းတဲ့ အရာတော့ မဟုတ်ဘူးပေါ့။
YOU ARE READING
Voice In My Ears
Romance" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
