Unicode ❄️❄️❄️❄️❄️❄️❄️❄️❄️❄️
" သူဌေး ကျွန်တော့်ကို လာကယ်တာလား "
" မဟုတ်ဘူး မင်းကိုလက်စလာဖျောက်တာ Han chul "
ထိုင်ခုံပေါ်တွင် လက်ပြန်ကြိုးတုပ်ခံထားရသော Robbins အပေါ်သိပ်ကို သစ္စာရှိသူ Han Chul သည် ပုန်းရှိုးကွယ်ရှိုးဝင်လာသည့် Robbins ကိုမြင်သည်နှင့် အားတက်သရော ပြောလိုက်ပေမယ့် Robbins ရဲ့စကားကြောင့် မျက်နှာဟာ သိပ်ကိုသွေးပျက်သွားတော့သည်။
" သူဌေး ကျွန်တော်သူဌေးခိုင်းသမျှ အားလုံးကိုလုပ်ပေးပါ့မယ် ကျွန်တော့်မှာမိသားစုရှိသေးတယ်။ ကျွန်တော်ကိုမသတ်ပါနဲ့ "
" မင်းက အရင်က ငါ့အတွက် တော်တော် အသုံးဝင်ခဲ့တာ အခုကျ မင်းက LiLi နဲ့ ငါ့ကြားက အတားအဆီးကြီးတစ်ခုခုထက်မပိုတော့ဘူး "
Han Chul ၏ နဖူးကိုသေနတ်ဖြင့် ချိန်ကာ ပြောနေသည့် Robbins ၏မျက်လုံးတွေဟာနီမြန်းနေသည်။ အချိန်အကြာကြီး အတူရှိပေးခဲ့သည့် ညီအစ်ကိုနှင့်မခြားသည့် သူကို အခုသတ်ပစ်ရတော့မှာမို့ သိပ်ကိုခံစားရသည်။ သို့သော် ချစ်ရသူနဲ့နီးဖို့ဆို မဖြစ်မနေလုပ်ကိုလုပ်ရမှဖြစ်မယ်လေ ...
အဲဒီလောက်ထိ လုပ်ခဲ့တာမို့ LaLisa ဆိုတဲ့ မိန်းကလေးကို အပိုင်ရမှကိုဖြစ်တော့မှာ ...
" Robbins Shi အခုချက်ချင်းသေနတ်ကိုချပြီး အဖမ်းခံပါ "
အပြင်ကကြားနေရတဲ့ ရဲကားသံတွေနဲ့ ခြေသံတွေကြောင့် အလန့်တကြားပြတင်းပေါက်ဆီကို ကြည့်လိုက်တော့ သေနတ်တွေကိုယ်စီဖြင့် Robbins ကိုချိန်ထားသည့်ရဲတွေကိုမြင်လိုက်ရသည်မို့ Robbins သိပ်ကိုထိတ်လန့်သွားသည်။
" သေစမ်း "
" သူဌေး ကျွန်တော်တို့အတူ ထွက်ပြေးကြမယ် "
" မင်းပါးစပ်ကိုပိတ်ထား "
ပူထူနေတဲ့ခေါင်းကို အလုပ်များစွာပေးကာ အချိန်တစ်ခုကြာသည်အထိ စဉ်းစားနေမိသည်။ နောက်ဆုံး မလုပ်ချင်ပေမယ့် Han Chul ဗိုက်ကို သေနတ်နှင့်ချိန်လို့ ဓားစားခံလုပ်ကာ တိုက်ထဲမှထွက်လာခဲ့သည်။
" Robbins Shi လက်နက်ချပြီး အေးဆေးအဖမ်းခံပါ "
" ရူးနေလို့ အဖမ်းခံရမှာလား .. "
YOU ARE READING
Voice In My Ears
Romance" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
