Unicode ❄️❄️❄️❄️❄️❄️❄️❄️❄️❄️
တစ်လခန့် လူဆိုးဂိုဏ်းရဲ့ လှုပ်ရှားမှုအားလုံးကို စောင့်ကြည့်ရင်း လေ့လာနေခဲ့တာ အရာအားလုံးနီးပါး သိနေပြီဖြစ်ပေမယ့် နောက်ကွယ်က ကြိုးကိုင်နေတဲ့သူကိုတော့ မသိရသေးတာကြောင့် အရာအားလုံးကို ရပ်နားလို့မရသေးပဲ ဖြစ်နေရသည်။တစ်ခါတစ်ရံ Jane နဲ့အဆက်အသွယ်မရသည်ကလွဲရင် ကမ္ဘာဟာ ပုံမှန်အတိုင်းလည်ပတ်လို့နေသည်။ Jane က လည်းအရင်ကအတိုင်းကလေး တစ်ယောက်လိုဆိုးမြဲဆိုးဆဲ ... စိတ်ကောက်တတ်လိုက်တာဆိုသည်မှာလည်း နှစ်ယောက် မရှိနိုင်သည်အထိ ...
" Lisa ဒီညနင်တစ်ယောက်တည်း သွားမှာလား "
" ဟုတ်တယ် တစ်ယောက်တည်းလုပ်တာပိုပြီး အဆင်ပြေလိမ့်မယ် "
အရေးကြီးသည့်တာဝန်ဖြစ်တာကြောင့် နှစ်ယောက်ဆို မဖြစ်သင့်တဲ့ လွဲချော်မှုတွေဖြစ်သွားမည်ဆိုးတာကြောင့် တစ်ဦးတည်းလုပ်ရန်သာဆုံးဖြတ်လိုက်သည်။ အအေးဒဏ်ကိုခံနိုင်ရည်ရှိနိုင်ရန်အတွက် ဂျာကင်တစ်ထည်ကို ဝတ်လိုက်ကာ အိမ်ကထွက်ရန်တံခါးဖွင့်ခါနီး Chaeyoung ကဆိုဖာပေါ်မှထကာ ပြောလာသည်။
" သတိတော့ထားနော် "
" အေးပါ "
ခေါင်းတစ်ချက်ညိတ်ပြလိုက်ကာ ချိန်းထားသည့် တရားမဝင် ကလပ်ကို အချိန်မှီအောင်ထွက်လာခဲ့သည်။ နည်းနည်းလေးလောက်နောက်ကျရင် အရာအားလုံးက အလွဲလွဲအချော်ချော် ဖြစ်သွားနိုင်သည်လေ။
" ဆေးပါတယ်မလား "
" အင်း ဒီမှာ စစ်ကြည့်လိုက်ဦး "
အခုရောက်နေသောနေရာမှာ တရားမဝင်သည့်ကလပ် တစ်ခုဖြစ်သည်။ အပြင်ပန်းသာ ကလပ်တစ်ခုအသွင်ယူထားပေမယ့် နောက်ကွယ်မှာ မူးယစ်ဆေးရောင်းဝယ်နေတာမို့ တရားမဝင်သည့် အရောင်းအဝယ်ကိစ္စများကို ဒီမှာပဲ လုပ်ကြသည်။ တည်နေရာနှင့်အချိန်ကို Gang Ji Sok ဆိုသည့် ရဲထံပို့ထားပြီးသည်မို့ ဒီညတော့ ဒီကလပ်ရဲ့နောက်ဆုံးညတစ်ညသာဖြစ်သည်။
" အားလုံးအဆင်ပြေတယ် "
စားပွဲပေါ်တင်ထားသည့် အဖြူရောင် အထုပ်တွေကို တစ်ဖက်က အနံ့ကိုသေချာရှူရှိုက်ကာ စစ်ဆေးပြီးသည့်နောက် ပြောလာသည်။
YOU ARE READING
Voice In My Ears
Romance" Jane ကို ကိုယ်သိပ်ချစ်တာကြောင့် ဘယ်လောက်ဝေးဝေး Jane အနားကိုပြန်လာမှာ ကိုယ့်ကိုယုံပေးနော် " " Jane တစ်ခုမှတ်ထားပေး ဒီလောကကြီးမှာကိုယ်တို့နှစ်ယောက်ကို ခွဲခွာအောင်လုပ်နိုင်တဲ့အရာဆိုတာ မရှိဘူး ရှိလာခဲ့ရင်လည်း အချိန်အတိုင်းအတာတစ်ခုအထိပဲ ... ဘယ်တော့မှ အ...
