လမ်းကြုံလိုက်လာတယ်

လမ်းကြုံလိုက်လာတယ်(၅)

**လမ်းကြုံ လိုက်လာတယ် (၅) **

ကားသမားနဲ့ကျွန်တော် ခဏတာ နှုတ်ဆိတ်သွားကြတယ်။ဖွင့်ထားတဲ့ ခပ်ပျပျကားမီးရောင်အောက်မှာ
တစ်ယောက်ကိုတစ်ယောက် ကြည့်ရင်း နှုတ်ဆိတ်နေကြတယ်။

"ဟူး..
မင့်ကိုခေါ်မိတာ ငါ့အမှား အာရုံနောက်ချက်"
ကားသမားက သူ့ကိုယ်သူအပြစ်တင်သလိုနဲ့ကျွန်တော့်ကို
အပြစ်တင်လ်ိုက်တာပါ။ကျွန်တော်လည်း စိတ်ညစ်စိတ်ရှုပ်နေချိန်မို့ သည်းခံရကောင်းမှန်းမသိတော့။
"ခင်ဗျားခေါ်လို့ လိုက်တာဗျ ကျုပ်က ခင်ဗျားကားကို လက်ပြတားသလား ကျုပ်လည်းခင်ဗျားကားပေါ်လိုက်မိတာ
မှားမှမှား မဟာအမှားဗျာ "
"မင့် ကျေးဇူးမကန်းနဲ့ ငါ့ကစေတနာနဲ့ ‌လမ်းကြုံတင်တာကွ
မင့်လည်းမလိုက်ချင် ငြင်းလို့ရသားပဲ ဘာလို့လိုက်လဲ ကဲပြောလေကွာ ဟေ့ကောင်"
ကျုပ်တွေ ၊ခင်ဗျားတွေ မင့်တွေ ငါတွေအထိ အသုံးအနှုန်းကြမ်းလှကြတယ်။
"စိတ်မှန်တဲ့သူ မှတ်လို့ခေါ်တာကွာ  အခုတော့ ဟိုလူပါလာတယ် ဘယ်နှစ်ယောက်ပါလာတယ်နဲ့ ပေါက်ပန်းလေးဆယ် ထင်ရာစကားတွေ ပြောလို့ပြောနဲ့"
"ခင်ဗျားက စိတ်မမှန်တာ ကိုယ့်ကားပေါ်မှာ ခရီးသည်ဘယ်နှစ်ယောက် ပါလို့ပါမှန်းမသိတဲ့ အူကြောင်ကြားကြီး"
အချေအတင်စကားပွဲက အရှိန်ကောင်းစပြုလာလေပြီ။
"မင့်ကမှ သောက်ရူး"
"ခင်ဗျားက ကျောက်ရူး"
"တော်ကြ နားငြီးတယ် "
ရုတ်တရက် ကျွန်တော်တို့မဟုတ်တဲ့ တစ်စုံတစ်ယောက်ရဲ့ အော်ငေါက်သံကို ပီပီသသကြားလိုက်ရတယ်။
ကားသမားနဲ့ကျွန်တော် တစ်ယောက်မျက်နှာတစ်ယောက်ပြန်ကြည့်ကြပြန်တယ်။
လူနှစ်ယောက်ထိုင်နေတဲ့ ကားခေါင်းထဲမှာ တိတ်ဆိတ်ခြင်းအတိ။
"မင့် အော်တာလား "
"ခင်ဗျား အော်တာလား "
တိုင်ပင်မထားပဲပြိုင်တူမေးဖြစ်ကြတယ်။
"မအော်ဘူး"
ညှိနှိုင်းမထားပါပဲ ပြိုင်တူဖြေကြပြန်တယ်။
"တောက်!"
တစ်စုံတစ်ယောက်ရဲ့ တောက်ခေါက်သံ ခပ်ပြင်းပြင်းက ကားခေါင်းထဲပဲ့တင်ထပ်သွားသယောင်။
"ငါ မဟုတ်ဘူး"
"ကျုပ် မဟုတ်ဘူး "
တစ်ယောက်နဲ့တစ်ယောက်မျက်နှာချင်းဆိုင်ကာ ဖြေရှင်းချက်ပေးကြတယ်။ ပြ်ီးတော့ တိတ်ဆိတ်သွားကြပြန်တယ်။ လူနှစ်ယောက်ရဲ့ အသက်ရှုသံပြင်းပြင်းကလွဲလို့ ဘာအသံမှမကြားရပြန်ဘူး။
"ငါ့ညီ"
ရုတ်တရက်ကြီး ကားသမားကလေသံပြောင်းသွားတယ်။
ကျွန်တော့်ကို စိုက်ကြည့်ပြီး ကတုန်ကယင်နဲ့
"ငါ့ညီ မင့်ပြောတာ ဟုတ်တယ် "
"ဘာ ဘာဟုတ်တာလဲ "
ခပ်ပျပျမီးရောင်အောက်မှာ
မြင်နေရတဲ့ သူရုပ်သွင်က မနှစ်မြို့ စရာ တစ်ခုခုကိုမြင်ရလို့ ထိတ်လန့်နေတဲ့ရုပ်မျိုး။ သူ့မျက်လုံးများက ကျွန်တော့်ကိုကြည့်နေသလိုထင်ရပေမယ့် ကျွန်တော့်ကိုကျော်ကာ နောက်ကို ကြည့်နေသလိုမျိုး။ ကျွန်တော့်နောက်မှာ တစ်စုံတစ်ရာရှိနေတယ်ဆိုတဲ့ အချက်ပြဟန်။
"အစ်ကို အဲ့လိုမကြည့်နဲ့ ဘာ ဘာမြင်ရလို့လဲ "
"မင့် မင့်ေ ဘးမှာ လူတစ်ယောက်ထိုင်နေတယ် .."
"ဟာ အာ ဟာ ဟာ မနောက်ကြေးလေ  "
ကျွန်တော်က ဝူးဝူးဝါးဝါးအော်ကာ ကားသမားအနီး ဖျတ်ခနဲတိုးလိုက်တယ်။
" ထိုင်နေတယ် ထိုင်နေတာမှ ငုတ်တုပ်ကြီး...."
"ဟာ ဟာဗျာ ထိုင်မှတော့ ငုတ်တုတ်ပေါ့ဗျ "
"မဟုတ်ဘူး ငါ ငါမြင်နေရတဲ့ငုတ်တုတ်ကြီးက မျက်နှာပြောင်းပြန်ကြီးနဲ့
"ဗျာ...ဘာ ဘာပြော"
"အရုပ်ခေါင်းကို ဇက်ချိုးလှည့်ထားသလို သူ့ခေါင်းအနေအထားက ပြောင်းပြန်ကြီး မျက်နှာပြောင်းပြန် ကြီး ကြိ ကိ"
ကားသမားက ကျွန်တော့်ဘေးကို လက်ညှိုးထိုးကာ အထစ်ထစ်အငေါ့ငေါ့ မပီမသ ‌ပြောကာ သတိလစ်မလို ဖြစ်နေလို့
"အစ္ကို အစ္ကို သတိထား "
ကျွန်တော်လည်း သူ့ပခုံးကို လှုပ်ရမ်းကာ သတိပေးနေချိန်
"မှုံရွှေရည်...ထုံဝေစီ....ဝသုန်မြေမဟီ...."
.............................................................
သီချင်းသံ။
အိပ်မက်ထဲက သီချင်းသံ။
ပိုသေချာတာက ကလေးတစ်ယောက်သီဆိုသံ။