روايه/ حياة بريئه
البارت/ الاول
بقلمي الكاتب/ حسن الأسدي
-----------------------------------------------
عندما يموت الضمير يصبح الانسان من دون مشاعر ومن دون احساس ومن دون حب ومن دون حتى مخافهَ الله تجف منابع الحب عنده وتجف الرحمه في داخله وقلبه فيصبح الانسان مفترس بكل ماتحمله الكلمات لا يميز بين قريب وغريب يأكل الضعيف ولا يعطف على الصغير ولا حتى يحترم الكبير مافائده الانسان من دون الضمير ولاحساس ومافائده الانسان من دون الانسانيه الرحمه تنبع في داخلنه ولاكن البعض منا اقتلعها من جذورها الرحمه كلشجرة منا من يعطيها الماء حتى تكبر ومنا من يقتلها حتى تموت .. كنت اظن ان قصتي قد ختمت ولاكن اكتشفت ان قصتي بدأت اليوم
حياة بريئه
----------------------------------------------
البصرة الفيحاء عام 2003
----------------------------------------------- اني حياة طالبه ثالث متوسط عايشه اني وبيبيتي ام ابوي ابيت وحدنه
ابيت زغير وقديم كلش وبيبي هيه الي ربتني من بعد ماماتو امي وابوي
-----------------------------------------------
گعدت الصبح على صوت بيبي وهيه تگعدني
بيبي.. حياة يمه گعدي اني رايحه لسوگ
اني طلعت السمچه انتي شگيها ونضفيها واني من ارجع اشويها بس ديري بالچ من البزونه مو تاكل السمچه ونتي نايمه ولا تفتحين الباب لاي شخص خاف يندگ
حياة.. ان شاء الله بيبي اسطوانه الجمعه حافضتها روحي وتعاي تلگين كلشي جاهز
حياة....
راحت بيبي للسوگ واني گمت من فراشي
طلعت بلحديقه رفعت عيني باوعت للسماء الجو مغيم ويقبض الروح ومبينه بيها مطره دخلت للبيت وبوجهي علمطبخ شگيت السمچه ونضفتها وغطيتها بصينيه حته البزونه ماتاكلها رحت للغرفه شلت لفراش وكنست جاي اكنس ودخلت بيبي
حياة.. گواج الله بيبي..هاي شنو عبايتچ كلها طين
بيبي.. يمه غير طحت وتكودت بلسوگ جدام الوادم
حياة.. ياء عزه العزاني زين مانكسرتي
بيبي.. عوفچ من هلحچي جيبي السمچه خل اصعد اشويها مضل وكت وجيبيلي بطل النفط تلاكينه يم الشباك
حياة....
جبت السمچه وبطل النفط وصعدت بيبي لسطح حته تشوي السمچه واني التهيت اطبخ بلتمن ومااسمع غير صريخ بيبي صعدت ارگض لسطح وچان الگه بيبي محترگه ولنار شابه بملابسها اني بقيت اصرخ مااعرف شسوي وعلى صوت صريخي اجت جيرانه ام خالد وياها ولدها بسرعه شالو بيبي وخذوها للمستشفى ولتمن نسوان المنطقه وكلساع وحده تسألني على سبب الحرگ واني بس ابچي وفاصله عن العالم كله دخلت ام خالد گمت على حيلي
حياة.. بشري خاله شلونها بيبي
ام خالد.. زينه يمه لا يضل بالچ بس حروق بسيطه
حياة.. الحمدلله يعني مابيها شي خاله
ام خالد.. ان شاء الله مابيها شي يمه
أنت تقرأ
حياة بريئه
General Fictionللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
