روايه/ حياة بريئه
البارت/ السادس
بقلمي الكاتب/ حسن الأسدي
-----------------------------------------------
دخلت عليه مرت خالي
نوال.. ها ولچ شنو تردين تنامين گومي سوي العشه خوله راحت لهاها
حياة.. خاله ولله تعبانه وراسي يوجعني وريد انام
نوال.. شنو انتي ماتسمعين اتگومين لا اجي وسحلچ من شعرچ
حياة.. راح اگوم بس ابدل ولبس حچابي
نوال.. راح انزل واذا نزلت ولتفتت وراي وما لگيتچ اله تنذبحين على القبله وتعرفين منو نوال بعد مايحتاج اشرح اكثر
حياة.. نزلت مرت خالي واني لبست حجابي وقبل لا انزل صار بوجهي قيصر
قيصر.. حياة تعاي اشوي اريد احچي وياچ
حياة.. وخر عن دربي انته صدگ بطران اني وين ونته وين الگوم گايمه ولعرب نايمه ...... عفته ونزلت لگيت جدي وخالي ومرت خالي گاعدين بلهول رحت لمرت خالي
حياة.. خاله شتردون اسويلكم عشه
نوال.. روحي للمطبخ تلگين راس باچه طبخي
حياة.. باچه !!!!!
نوال.. اي باچه شبيچ انصدمتي
حياة.. بس خاله الباچه اطول واني ولله تعبانه وراسي يوجعني لو ما تعبانه اسويها بعيوني
جدي.. بويه حياة صعدي ارتاحي مرت خالچ اتسوي العشه .... نوال عمي گومي سوي العشه حياة تعبانه اليوم خطيه
نوال.. اني عمي وين بيه حيل ماتشوفني تعبانه
حياة.. لا جدي اني اسوي العشه خالتي نوال هم تعبانه
جدي.. زين بويه سوي لتگدرين علي
حياة.. رحت للمطبخ كلت خل اسوي شوربه عدس وگلي طماطه سويت العشه وكملته طلعت الطحونه حت اصب افترت رجلي بزوليه وطحت وتكسرن الصحونه .... وما اسمع غير صياح مرت خالي اجتني وما حسيت اله اجاني راجدي فراني فر
نوال.. كسرتي الصحونه الجديدة الله يكسر راسچ ان شاء الله شبيچ عميه ما تشوفين عساچ بلعمه اطلعي بره بيتي امها ماتت وذبتها عليه الله ياخذچ مثل ماخذه امچ
حياة.. ولله ما ادري مو قصدي عثرت بزوليه وطحت ... وعلى صوت الصياح اجه جدي وخالي للمطبخ
حياة.. جدي اجه وكفخ خالتي نوال راجدي
جدي.. هاي اخر مره تمدين ايدچ على حياة مرت الثانيه اكسر ايدچ وعلگها برگبتچ وللبيت بيتي ومالچ حق اطردين حياة منه ونوبة الثانيه انتي وخلاجينچ بشارع
ضياء.. شني بويه شجاك على كيفك
نوال.. اطگني عمي علمود هاي بس بسيطه اني اعلمكم
أنت تقرأ
حياة بريئه
General Fictionللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
