روايه/ حياة بريئه
البارت/ الثاني والعشرون
بقلمي الكاتب/ حسن الأسدي
----------------------------------------------سحر.. اووووو سكتي خلود سويتيها طلابه وقصه عنتر وعبله اني افهمچ حبيبتي حياة اخوي مازن رايدچ على سنه الله ورسوله هذا كلشي
خلود.. على كيفچ صدمتي لبنيه
سحر.. ها شنو گلتي
حياة.. ولله مااعرف شنو احچي تفاجئت من كلامچ مااعرف شنو ارد
خلود.. شوفي حبيبتي حياة فكري بلحچي بس باچر العصر ردينه خبر لأن احتمال باچر بلليل نرجع لسوريا
حياة.. الله كريم حبييتي بيها الخير أن شاء الله
سحر.. كلللللوووووش
خلود.. وثول وثول لحد يسمعچ مانريد واحد يعرف لحد ماتصير الشغله رسميه
حياة....
جاي نحچي وسمعنه خالتي نيسان صاحت على بناتها .. راحت سحر وخلود واني بقيت افكر بكلامهن اخذني التفكير اني شنو ضلتي هنا محد يحبني ولحد يشتهيني بعيشه الله وحته خوله الي چنت معتبرتها مثل اختي گلبت علي وذا اتزوجت هم اخلص من مضايقات قيصر الي على الاقل خالتي نيسان وبناتها يحبني وبيهن من ريحه امي حنان يارب العالمين ساعدني اذا زواجي من مازن بي خير الي ويطلعني من الهم وضلم خالي ضياء ونوال ورتاح من قيصر خلي يتم على خير وذا زواجي منه يزيدني هم وحزن ربي بعده عن طريقي .. خليت حجابي على راسي ونزلت رحت لغرفه جدي
حياة.. ها جدي چا وين خالتي نيسان ولولد ولبنات
جدي.. خالتچ نيسان هيه وجهالها رادت تروح للسوگ وقيصر خذاهم بسيارة
حياة.. ها خوش تريد شي جدي
جدي.. سلامتچ بنيتي
حياة.. رحت للمطبخ لگيت خوله جاي تطبخ بس دخلت گلبت وجها وبقت تتئفئف ماهتميت الها عفتها ورحت شربت ماي دخلت نوال
نوال.. ها خوله شجاي تسوين
خوله.. عمه نفس ماگتيلي طلعت دجاج وراح اسوي مرگ
نوال.. وانتي هي ماتساعدين خوله شنو گاعده خطار تاكلين وتمسحين ايدچ بلحايط
حياة.. منا ورايح اني ماامشي بكيفچ وبعد لاتحچين وياي هيچ فهمتي لو لا اني مو خدامه عندچ ولا اني اشتغل عندچ ومنا وجاي مالچ شغل بيه عليچ بجنتچ وبس ولكم بس كافي تعبت منكم ومن معاملتكم الي ولكم خافو الله من الله ينتقم منكم
نوال.. ادب سز شو طالعه عينچ وصايره تحچين معلگ بس لا عبالچ خالتچ هنا معناها اسكتلچ شوفي ترى اكضچ ومسح بيچ الگاع وانتي تعرفيني عدل اذا قفلت عليچ شنو اگدر اسوي
خوله.. عوفيها عمه عوفيها هاي مريضه نفسياً لاتنزلين نفسچ لمستواها عوفيها خليها تولي انتي لو بيچ خير جان احترمتي لكبر منچ
أنت تقرأ
حياة بريئه
Narrativa generaleللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
