حياة بريئه

البارت العاشر

روايه/ حياة بريئه

البارت/ العاشر

بقلمي الكاتب/ حسن الأسدي
-----------------------------------------------
حياة.. عفتها وطلعت وهيه بقت تسب وتغلط رحت للحمام رگض فتحت الماي وبعد ماگدرت گبل نزلت دموعي الى متى هذا الحال ولله تعبت اقسم بالله العلي العظيم تعبت ياتره الى متى نخدع نفسنه ونقنعها انو احنه نگدر نتحمل هلحياة حياة ماخترناها بكل ارادتنه ولضروف اجبرتنه عليها وكلما طالت المده تصير الحياة اصعب تصير اقسه باوعت اگو موس محطوط على المغسله شلته وحطيته على أيدي ها حياة بعد شعندچ باقيه بدنيا لا ام ولا ابو لا اي سند بيها حطيت الموس ع الوريد وغمظت عيوني وردت انتحر سمعت قيصر يصيحني تعوذت من الشيطان وذبيت الموس وغسلت وجهي وطلعت

حياة.. ها قيصر صحتني

قيصر.. اي شبيچ چنتي تبچين

حياة.. لا بس چنت اثرم بصل وعيوني دمعت ورحت للحمام غسلت وجهي

قيصر.. عفيه حياة صبيلي غده لان اريد ارجع للشغل

حياة.. جدي وين اجه وياك

قيصر.. لا جدي اليوم معزوم عند اجوارينه

حياة....
رحت للمطبخ صبيت غده لقيصر ولمرت خالي نوال جبت الصينيه وخليتها گدامهم ورحت حته اجيب الماي جبته انطيته لقيصر وبهلاثناء لمس ايدي اني گبل طاحت صلاحيه الماي من ايدي

نوال.. وثول حته ثول ماتشوفين كل عين شگبرها عساهن فگس

قيصر.. على گيفچ يمه ماصار شي وهيچ انفعلتي

حياة.. اسفه اروح اجيب غيرها
عفتهم وطلعت رحت للمطبخ ترست الماي وجبته سمعت اسمي وكفت وره الباب وسمع

قيصر.. يمه تخيلي نفسچ بمكان حياة وحيده وماعندچ احد وين راح تروحين

نوال.. ماراح اتخيل بس لا انته مصدگ انو هيه طيبه وحنونه تره تتمسكن وگول باچر امي گالت

قيصر.. عوفينه من باچر تره حياة بت عمتي وعمتي الله يرحمها الها حق بلبيت
وحياة من حقها تعيش ويانه بلبيت من دون مااحد يغثها بلحچي

نوال.. ماريدها ابيتي اكرها مثل مااكره امها حنان اريد اطردها من البيت اريد اشوفها مطروده من البيت بجنطتها وتفتر من شارع لشارع مايرتاح گلبي اله لمه اشوفها متشتته بشوارع

قيصر.. زين يمه ليش هلكره هذه كله شمسويتلچ البنيه شو شايله البيت على راسها وخادمتچ وخادمه ابوي انتي لو عندچ بنيه چا ماخدمتچ مثل حياة كافي خافي الله بلبنيه حرام عليچ عيشه تگصر العمر

حياة.. چنت صافنه بلحچي لسمعته وطلع قيصر باوعلي وصعد لغرفته

نوال.. تعاي ولچ تعاي شيلي الصينيه

حياة....
دخلت كلمه ماحچيت وياها شلت الصينيه وطلعت رجعت الاكل للجدوره وغسلت المواعين وتوضيت ودخلت لغرفه جدي وسديت الباب فتحت الكنتور وباوعت ملابس جدي صايرات هوسه گلت اصلي وخلص ورتبهن طلعت السجادة وفرشتها وصليت وخلصت فتحت الكنتور وبديت ارتب بلملابس ما احس اله اجه حچي مرت خالي براسي گبل نزلن دموعي ليش هلكره هذه كله اني شنو سويت بس اگول حسبي الله ونعم الوكيل واني جاي ارتب شلت وحده من الملابس وشوف جواها صوره رفعت الصوره وشوف صوره كلش قديمه بيها بنيه شابه بس ملامح البنيه مامبينه لان الصورة كلش قديمه خليت الصوره على صفحه وكملت ترتيب الكنتور حسيت راسي گام يوجعني رحت للمطبخ خدرت چاي وصبيتلي بگلاص وخليت كعك وگعدت اكل بلمطبخ لان ماتغديت وچنت كلش جوعانه جاي اكل ودخل جدي