روايه/ حياة بريئه
البارت/ الثامن عشر
بقلمي الكاتب/ حسن الأسدي
-----------------------------------------------
حياة.. خوش هسه جايه وراچ .. راحت خوله وانه بقيت واگفه بمكاني .. يله حياة هاي فرصتچ طفيت الطباخ وشلت الچاي ورحت سويت روحي عثرت وذبيت الچاي على نوال وهيه گامت تصرخ اني سويت روحي راسي طگ بلگاع وغمى عليه اجت خوله گعدتني ودگ على وجهي واني مسويه روحي عبالك ميته شوي ورشو علي ماي فتحت عيوني وعبالك كلشي ماادري
خوله.. شبيچ صدگ چذب
حياة.. شنو شنو ليش اني نايمه بلگاع شنو صار اخ اخ راسي يوجعني ودايخه
خوله.. ولچ عثرتي وذبيتي الچاي على عمتي
حياة.. ياء صخام بوجهي وهسه شنو وين خذوها
خوله.. ماادري گبل اخذها قيصر وعمي
حياة....
اني بگلبي ميته من الضحك بس سويت روحي ابچي
خوله.. لاتبچين حياة يعني انتي شبيدچ هذا قضاء وقدر
حياة.. ماادري شلون عثرت يمكن لأن توني گاعده من النوم خطيه صاح علي جدي انهطي خفت گلت بس لا عرف اني متعمده وهذا كله تمثيل اجه جدي وباس راسي ومسح دموعي
جدي.. گومي حبابه گومي گافي بعد لاتبچين خوله بنيتي اخذيها خلي تغسل وجها وتشرب ماي
خوله.. أن شاء الله جدو .. يلا حبيبتي حياة گومي
حياة.. گومتني خوله وسويت روحي مابيه اگوم اتسندت على خوله .. خوله عفيه صعديني لغرفتي لان كلش دايخه
خوله.. خوش اتسندي علي وامشي
حياة.. صعدتني خوله الدرج واني مسويه روحي صدگ تعبانه ودايخه
خوله.. صدگ چذب شلون عثرتي جان انتي حترگتي يلا يلا تعاي نامي بفراشچ حته ترتاحين
حياة.. وخري عني وخرت خوله مني وركضت على چربايتي وضليت ارگص وهوس ( هسه ارتاح گلبي وندليت دربي هسه ارتاح گلبي وندليت دربي) اخ احس هسه ياله ارتاحيت اباوع على خوله مصدومه وفاتحه حلگها
خوله.. ياء عزه العزاچ حيوته يعني انتي متعمده وهذه الي صار توه كله تمثيل انهجم بيتچ كون ولله ممثله روحي اشتغلي ويه فاتن حمامه
حياة.. شوفيلي واسطه واني اروح اشتغل وياها تعاي تعاي گعدي
خوله.. لا اني ادري هاي الكوسج نويل متعبتچ بس ماتوصل لهيچ يعني تحركينها بلچاي
حياة.. احسن تستاهل لو بيدي احطها بلتنور وسگفها مثل مانسگف السمچ
خوله.. بس ولله حياة صدمتيني لا هذا حرام صلم
حياة.. ضلم تعرفين شنو الضلم الضلم من اتگعدين برزاله وتگومين برزاله الضلم انه يخططون يخطفونچ وانتي ماتدرين وين ماخذينچ ولا تعرفين وين راح تصفه نهايتچ الضلم لمه نوال وخالي يخططون وين هاي ام صالح حته تاخذني ويخلصون مني هذا الضلم
أنت تقرأ
حياة بريئه
General Fictionللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
