روايه/ حياة بريئه
البارت/ السابع والعشرون
بقلمي الكاتب/ حسن الأسدي
-----------------------------------------------
ام خالد.. يمه اني تعبانه وماادري يمته ربچ ياخذ امانته ولدنيا حياة وموت ولانسان ماضامن عمره وكو امانه اريد اگلچ بيها وهاي الامانه صارلها 34 سنه وهاي الامانه من امچ الله يرحمها قبل لاتموت امچ بدقائق وصتني انو اذا كبرتي اگلچ بيها وجه ليوم لتعرفين بي اهلچ شلون ماتو
حياة وگفت على طولي.. شلون خاله فدوه جاوبيني شلون ماتو اهلي
ام خالد.. راح اسولفچ السالفه من بدايتها اول شي امچ وابوچ تدرين شلون ماتو
حياة.. الي اعرفه انو چانو معزومين بعرس بالرمادي وهمه وراجعين سوو حادث وتوفو
ام خالد جرت حسره وگالت.. لا يمه لا مو هاي القصه الحقيقيه القصه الحقيقيه ضمهوها عليچ بس محد يدري بلحچي الي راح اگلچ بي حته جدچ الله يرحمه مايعرف السالفه
حياة.. خاله فدوه خاله ولله راح اموت گلبي راح يوگف ماضل بيه حيل اقسم بالله ماضل بيه حيل تعبت من هبطه لهبطه شوفي راسي خاله الشيب ترس راسي تعبت خاله تعبت كافي اريد اعرف حقيقه اهلي اني من زمان ماچنت مصدگه بلقصه الي چنتو تحچوها الي وچنت ادري بيكم من افتح موضوع اهلي چنت احس بيكم تتهربون وتغيرون الموضوع كافي خاله تعبت عمري صار 35 سنه واني اليوم اريد اعرف كلشي عن اهلي وريد اعرف شلون ماتو وشنو علاقه ضياء ونوال بموتهم خاله حسو بيه اني حته گبورهم مااندلها هاي اذا چان الهم گبور من الاساس
ام خالد.. امچ وابوچ ماسوو حادث امچ وابوچ انقتلو قتل
حياة بصدمه.. قتل !!!
ام خالد.. يوم من الايام چانت الكهرباء طافيه ولمنطقه كلها ضلمه طلعت وبيدي الفانوس وگعدت بلباب انتظر المرحوم يحل من الشغل وانه گاعده وشوف رجال ملثم فتح الباب وطلع يركض من بيكم وراح يركض لذاك الصوب انه رحت اركض ودخلت لبيتكم ودخل للهول ولگه ابوچ سابح بلدم وميت وأمچ لحكت عليها بعدها بيها نفس اني ضليت اصرخ سوده عليه امچ فكت عيونها وصاحت علي اني دنگت عليها وشبكتها
حنان.. ام خالد ام خالد سمعيني اذا متت بنيتي حياة امانه عندچ وعد عمتي
ام خالد.. ولچ يمه منو الي دخل تعرفينه شفتي يمه حنان فدوه اروحلچ احچي لاتضلين ساكته
حنان.. ضياء ضياء اخوي بس ام خالد اوصيچ وصيه ذا متت وكبرت بنيتي حياة اريدچ تگليلها الحقيقه
ام خالد.. بعدها امچ جاي تحچي ودخلو الجورايه علينه اني بقيت اصيح لحد يدخل بس النسوان خيدخلن دخلت النسوان وأمچ سوده عليه خافت الجوارين عبالهم انه لمسويه بيهم هيچ فگبل گالت للنسوان
حنان.. حرامي دخل علينه وطلع ابو حياة گدامه كتله وانه سمعت الصوت وجيت الزمه دفعني دطگاني سجين بخاصرتي
أنت تقرأ
حياة بريئه
General Fictionللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
