روايه/ حياة بريئه
البارت/ السادس عشر
بقلمي الكاتب/ حسن الأسدي
----------------------------------------------
خوله.. ياء اسم الله شببك قيصر اگعد اگعد وين چنت وبعدين شنو هلصريخ هذه الي سمعنا
قيصر.. مشنوقه لگوها مشنوقه ام علي لگوها مشنوقه ابيتها معلگينها بلدرچ
حياة.. يا ام علي بس لا هاي المره الي گبالنه
خوله.. اوووي قيصر ولله گلبي ضل يوجعني عليها خوش مره فقيره
قيصر.. وهسه الشرطه ولناس ملتمين آبابهم
خوله.. زين ولشرطه ومادرو منو سواها
قيصر.. چنت واكف بلباب انه وابو حوراء نسولف ومانشوف اله جنتها طلعت بلشارع تصرخ رحنه عليها نركض دخلنه للبيت لگيناها امعلگه بلدرج ومشنوقه
حياة.. يبوووي سوده عليه
قيصر.. امشو خلنرجع للمزرعه طولنه
حياة....
طفينه الاضويه بس عفنه ضوه الطارمه وطلعنه اباوع على بيتهم الناس كلها ملتمه عليهم ولشرطه بلباب صعدنه بسيارة وطلعنه الشارع مانتبهت على دموعي اله نزلن بقيت امسح بيهن بطرف عبايتي
خوله.. زين قيصر شمدركم شانقينها يمكن هيه منتحره كلشي جايز
قيصر.. لا مااتوقع لان اكو دم يم حاجبها ورجليها عليهن دم معناها شنو كاتليها ومعذبيها وبعدين معلگيها الله يرحمها
حياة.. زين ومنو الي يگدر يسوي هيچ
قيصر.. هسه هوه امبينه جنتها لمسويه السالفه هيه وياها بلبيت وطلعت ذيچ تصيح ولباب چان مسدود يعني هاي شنو معناها جنتها هيه الي كاتلتها
حياة.. بس اذا على كلامك بعد اكو مساعدين الها بلجريمه لان مره ابحدها اتسوي هذه كله لا اكو وياها زلم امساعديها استغفر الله
خوله.. حچي حياة عدل لان ام علي الله يرحمها ضخمه شلون علكتها ابحدها وهيه چنتها انه شايفتها چنها فاره گاضيه وضعيفه معناها جنتها متفقه ويه زلم وبعدين مشردتهم
قيصر.. كلشي جايز هسه ياخذون چنتها يصعدوها للجرايم جم راجدي على جك صونده تذب القضا ولمضا
حياة.. الله كريم ماكو واحد ايضيع حقه وذا ضاع بلدنيا عد الله ماكو شي ايضيع الله يرحمها
خوله.. على گولتچ ماكو شي عند الله يضيع
حياة.. رجعت مرت الاحداث على بالي من جديد شلون چنت عايشه شلون احترگت بيبيتي وماتت شلون دخلت بيت جدي شلون جاي انضلم من نوال ضلت دموعي تنزل بدون صوت وگلبي ايردد حسبي الله ونعم الوكيل
قيصر.. حياة حياة
حياة.. ها ها
قيصر.. شنو وين صفنتي يلا نزلي وصلنه
أنت تقرأ
حياة بريئه
Genel Kurguللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
