روايه/ حياة بريئه
البارت/ التاسع عشر
بقلمي الكاتب/ حسن الأسدي
-----------------------------------------------
حياة.. راحت خوله وقيصر واني بقيت صافنه اني شلون هيچ سويت شلون شبگت قيصر وين چان عقلي استغفر الله رب العالمين يا رب ولله ولا حسيت على نفسي شلون يا رب شلون هيچ سويت هسه خوله شدگول بقيت بغرفتي ولا طلعت منها لان كلش خجلانه من خوله
اذن المغرب صليت وقريت قرآن وباوعت للساعه بـ8 بليل طبگت السجاده ونطفت الكهرباء صخام جدي خلي انزل اشعله شمعه رحت للكنتور طلعت دسته شموع ونزلت رحت للمطبخ جبت شخاطه وشعلت شمعه بغرفه جدي وشمعه بلهول وشمعه على الدرج رحت گعدت يم جدي
جدي.. حياة جدي تعاي كضي ايدي خلي نروح نگعد بلهول وجيبي الشمعه وراچ
حياة.. وديت جدي بلهول ورجعت اخذت الشمعه وگعدت يم جدي
جدي تريد اسويلك عشه
جدي.. لا بويه خلي تجي الكهرباء وبعدين نتعشه
حياة.. خاف الكهرباء اطول وانتَ جوعان
جدي.. لا ماجوعان الغده لهسه واگف على افادي
حياة.. طعو خالي ضياء ونوال گعدو يمنه بلهول ونزل قيصر وخوله هم گعدو يمنه اني عدلت حجابي وسويت روحي مو يمهم
قيصر.. جدي مادام الكهرباء طافيه وكلنه متجمعين سولفنه على ايام الشباب ومغامراتك
جدي.. يا ايام الشباب هيه بقت ايام شباب اگعد واسكت
قيصر.. لا جدي بروح هيله احچيلنه
جدي.. لا مادام حلفتني بلعزيزه امي راح اسولفلكم هاي لمه چنت هيچ بحلك چنت احب بت جيرانه اسمها فوزيه وهيه چانت تحبني ويوم من الايام رحت لبوي گتله بويه اريدك تمشيلي على فوزيه بت شيخ حامد ولله ابوي ماچذب خبر راح وحاچه شيخ حامد وگله الولد رايد بنتك فوزيه گايم شيخ حامد وگايل ابوي لبنيه ابن عمها رايدها اجه ابوي انه سمعت شيخ حامد حاچي هذا الحچي وانه گلبت الدنيا على ابوي گتله ماكو لو فوزيه لو مااتزوج ابوي منا وامي منا امي تهدي بيه انه گتلهم اكتل روحي ولا تنزف فوزيه لغيري ابوي گال باچر اروح على عمك جابر وناخذ ويانه شيخ فهد ونروح ونحاچي شيخ حامد بس بشرط انه هنا كتله موافق على شرطك بس كون تصير فوزيه من نصيبي ابوي گال بس اذا ابوها گال ماكو وماتصير من هسه اگلك بعد لاروح ولا اجي وتنتهي السالفه صدگ يوم ثاني راح ابوي انتضٰرته يطلع وانه ضليت افتر مامرتاح هسه غير اگعد واستچن لا شلون طلعت ورحت لبن عمها للسوگ يبيع مخضر ركضت علي وگلبت بسطيته بلگاع ولزمته من ياخته وشبعته كتل گوه الناس لبسوگ فكونه وگتله اذا سمعت بيك تريد تاخذ فوزيه بيدي هاي اخنگت وغط راسك بهاي الخيسه رجعت للبيت لگيت ابوي جاي رحت علي گتله بويه بشر ابوي گال شيخ حامد وافق انه هنا ارتاحيت صار الليل وهدو علينه بيت الشيخ طلعلهم ابوي گلوله ابنك جاي اليوم وهاد على ميثاق بسوگ امي شردتني چانت ورانه مدرسه عبرت عليها ولبدت ضلو همه يصيحون وشيخ حامد گايل فوزيه ماانطيها وره هاي السالفه بسبوع ابوي باع البيت لان ابوي گايللهم احنه راح نشيل صدگ لمينه غراضنه وطلعنه عفت ابوي چاي يحمل بلغراض وانه رحت ابوي يصيح علي وين رايح انه گتله هسه اجي رحت گلت ولله مااطلع من المنطقه اله تنكتل يميثاق رحت للسوگ مالگيته ولله طلعت من السوگ وشوفه يمشي خليته يروح لمكان مابي ناس ورحت علي وجبته راجديات وبوكسات واخر شي شمرته بنهر الخيسه ورجعت ركض لگيت اهلي منتضريني صعدنه بلسيارة ورحنه .. هاي ايام الشباب مالتي
أنت تقرأ
حياة بريئه
General Fictionللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
