حياة بريئه

البارت السابع عشر

روايه/ حياة بريئه

البارت/ السابع عشر

بقلمي الكاتب/ حسن الأسدي
-----------------------------------------------
حياة.. رجع جدي نام وانه رجعت الدوه المكانه ورحت نمت بفراشي وماحسيت اله زلم ثنين ضخام واحد سد حلگي ولثاني لزم ايدي وشالوني واني اريد افلت روحي من عدهم مااگدر لحد ماطلعوني برى المزرعه وصعدوني يلسيارة وحركو واني ضليت اصرخ شدو عيوني وشدو ايدي وحلگي سمعت واحد من عدهم گال ها شيخه وين هسه ردت علي مره گالتله اطلع لبغداد واني زدت بلبچي لحد ما دموعي يبست من البچي ضليت ابچي بدون دموع مرت تقريباً ربع ساعة وماحسيت اله واحد جراني من شعري وفتح ايدي ونزل العصابه من عيوني واباوع واشوفها ام صالح ام الگيمر دنگت على رجليها وبستها

حياة احچي وشهگ.. خاله فدوه اروحلچ رجعيني للبيت ولله عندي ذهب وفلوس اخذيهن بس رجعيني ... لزمتني من شعري وجرتني حيل

ام صالح.. بعد مااريد اسمع كلمه اهلي ورجعيني انتي من هسه انسي اهلچ ونسي عشيرتچ كلها واي كلمه زايده وحق ربچ اشرح جسمچ بلسچينه ولا عبالچ مااسويها وروحي سئلي غيرچ اشسوت بي ام صالح انتي راح ترحين وتشوفين وتعرفين ام صالح منو

حياة.. خاله الله يخليچ عفيه ولله جدي يموت خاله حبوبه

ام صالح.. اس اس لا اگطع السانچ وشمره لچلاب

حياة.. خاله ابوس ايديچ ابوس راسچ ضليت ادگ على وجهي لحد مانزل من خشمي دم

ام صالح.. معتز انطيني المگص من يمك اضاهر هاي ماراح تسكت فنگص السانها احسن

حياة.. بقيت ابوس بيديها ورجليها وحچي وياها وبچي دنگت ورفعت راسها وطگتني راجدي ورجعت ربطت ايدي وشدت عيوني وحلگي ... اخ حياة هاي انتي اليوم ماتدرين وين رايحه ولاتدرين باچر شضاملچ من مصايب ربي جاي تشوف شجاي يصير بيه ربي انه تعبت ولله العضيم تعبت ربي اخذ روحي وخلصني جاي ادعي ومااحس اله ايد لزمتني من شعري وراسي نطگ بشي ورئسن فقدت الوعي ... مافزيت اله على صوت رجال فتحت عيوني شفت رجال لابس ملابس شرطه

الشرطي.. انتي مخطوفه صح

حياة.. ردت احچي ماكو مايطلع صوتي

الشرطي.. على كيفچ على كيفچ اهدي علاء جيب بطل ماي بسرعه

حياة.. شوي وجه ولد بيده بطل ماي انطانيا شربت من الماي ورتاحيت

الشرطي.. يلا خيتي احچيلي انتي شنو وليش صاعده هنا وليش مربطه

حياة.. هسه راح احچيلك كليش سيدي

الشرطي.. لا لا مو هنا امشي للمركز حته نفتهم شنو السالفه

حياة.. نزلت واني ماادري شنو صار صعدت بسيارة الشرطه وصعد يمي الشرطي ومشت السيارة

الشرطي.. انتي شنو اسمچ وين بيتكم