روايه/ حياة بريئه
البارت/ التاسع والعشرون
بقلمي الكاتب/ حسن الأسدي
-----------------------------------------------
حياة.. اني متعجبه على هاي الدنيا ليش لازم بس المظلوم هوه ليسامح ولازم ينگاله الدنيا متسوى من ليوم ورايح راح ادخل بعيون شكو واحد يريد يظلمني وراح اخذ حقي منهم واحد واحد تعرفين ليش لأن الدنيا تريد الانسان لياخذ حقه بيده لدنيا ياهدى تريد الانسان مثل الذيب تريد لمايترك حقه لأخر نفس وله وهاي الناس كلها راح ادوسچ وذا سكتي وعفتي حقچ يروح راح تقوين الظالم وتخلينه يتمادى بظلمه
هدى.. بس شكلچ نسيتي هاي الايه
بسم الله الرحمن الرحيم ﴿قالَ أَمّا مَن ظَلَمَ فَسَوفَ نُعَذِّبُهُ ثُمَّ يُرَدُّ إِلى رَبِّهِ فَيُعَذِّبُهُ عَذابًا نُكرًا﴾ صدق الله العلي العظيم
فشيلي عنچ سالفه الانتقام وذا متردين تسامحينهم خلي الله ياخذ حقچ منهم بس اني متعجبه من هذا تفكيرچ مستغربه من هذا التغيير المفاجئ مو چنتي تگليلي اذا حسيتي واحد جاي يظلمچ گبل گولي حسبي الله ونعم الوكيل هذا مو كلامچ لو اني غلطانه وين راح هذا حچيچ
حياة.. لأن بكل سهوله وبكل بساطه اكتشفت الدنيا متريد الانسان الطيب
عبير.. حچي حياة صدگ احنه وصلنه بزمن يخوف وصلنه لزمن الي الاخو يطعن ويكتل اخو ولولد يطرد امه وابو ولأخو مايحاچي اخته ولبشر صار بكل دم بارد يكتل ويسلب ويبوگ وياكل مال الايتام ومن يصيح المؤذن الله واكبر گام توضه ومد سجاته وكأنه كلشي مامسوي احنه وصلنه لمرحله مع الاسف صارت الناس تتسابق منو ليأذي الفقير ولطيب
-----------------------------------------------
بعد مرور شهر ونص
الثلاثاء 2023/6/14 الفجر
حياة....
چنت گاعده على چربايتي وفكر بنفسي اذا طلعت وين اروح وين اولي شلون راح اعيش حته لو راح اگعد ابيت عبير ونفس الوقت چنت فرحانه لأن اليوم راح اطلع من السجن سمعت اذان الفجر تعوذت من الشيطان وگمت ورحت للمغسله توضيت ورفعت راسي صارت لمرايه گبالي بقيت صافنه على وجهي اباوع وجهي ذبلان واصفر وصايره عندي تجاعيد
اي اي يحياة السجن خذه شبابچ كله
عبير.. قل اعوذ برب الفلق اللهم سكنهم في مساكنهم شبيچ تحاچين نفسچ تسودنتي
حياة.. تصدگين عبير دخلت السجن واني عمري 16 سنه وهاي اليوم راح اطلع بس بعمر 36 سنه شبابي كله راح بهاي الغرفه كلشي ماشفت من عمري الدنيا گظتها وياي من مصيبه لمصيبه مارتاحيت ولا شفت الراحه
عبير.. بعد وقت هسه ياله حسيتي بعمرچ الي راح چا وين چان عقلچ من اعترفتي بجريمه انتي مالچ ايد بيها
حياة.. اني حته لو مامعترفه ولا گايله هيه القضيه لابستني لابستني الادله چانت كلها ضدي / بعد هذا الحچي كله مايفيد گعدي هدى وخنصلي سوى
أنت تقرأ
حياة بريئه
Aktuelle Literaturللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
