حياة بريئه

البارت الخامس

روايه/ حياة بريئه

البارت/ الخامس

بقلمي الكاتب/ حسن الأسدي
-----------------------------------------------
حياة.. ومر اليوم گوه چنت گاعده بغرفتي اقره قـرآن وندگ باب غرفتي صدقت وعدلت حچابي وفتحت الباب لگيت قيصر بس فتحت الباب دخل علي وسد الباب

حياة.. قيصر شبيك تسودنت شگاعد اسوي

قيصر.. لا تخافين حياة اني عندي موضوع وياچ اني كافي بعد مااگدر اتحمل اكثر حياة اني احبچ واحبچ من زمان وانتي تدرين اني شگد احبچ

حياة.. ولك اني بيا حال قيصر اني گتلك من قبل اني معتبرتك اخو الي وماعندي اي مشاعر اتجاهك افهم انته العام من اجيت صارحتني اني حاجيتك گدام بيبي الله يرحمها وگتلك اني مااگدر انته اخوي وبعدين اني مستحيل اتزوج بهذا العمر وللك بعدني عمري 15 سنه افهم عاد اني وين وانته وين

قيصر.. اني حاولت انساچ واطلعچ من بالي وتزوجت حته انساچ بس من اجيتي اتغيرت كل افكاري ورجعت افكر بيچ انتي بس قبلي ولله من باچر اطلگ خوله ونزوج

حياة.. لا انته مو طبيعي انته انسان مريض قيصر اطل برى اطل لا قسمن عضمن وروح بيبيتي هسه اصيح صوت لم عليك البيت كله اطل قبل لا اسوي شي ميعجبك

قيصر.. انطيني صبر بس خلي افهمچ

حياة.. لا افهمك ولا تفهمني اطلع بره احسلك

قيصر.. اني طالع بس الي حچي ثاني وياچ

حياة....
طلع قيصر واني گبل قفلت باب الفرفه

طبعت قيصر ابن خالي چان ايحبني من چنه اطفال وهوه صارحني أكثر من مره بس اني مااشوفه اله اخو اليه واني ماافكر بزواج عمري بعده 15 سنه وهوه عمره 19 سنه بيبي الله يرحمها چانت مانعتني اتواصل ويه بيت خالي اله بلمناسبات وحته من اجه قيصر العام حته يخطبني بيبي طردته وگلتله ماعدنه بنات للزواج

حياة.. طفيت الضوه رحت وتمددت بفراشي واخذني التفكير وبقيت گاعده لـ4 الفجر وما حسيت على نفسي گبل نمت ..... گعدت الساعه بـ7 الصبح غسلت وجهي ولفيت حچابي ونزلت لگيت مرت خالي گاعده بلهول

حياة.. صباح الخير خاله

نوال.. امشي ولي روحي لبسي عباتچ ونگلعي جيبينه خبز من المخبز الوادم تريد تتريگ ماكو خبز

حياة.. بس خاله اني مااندل المخبز وبعدين خاله اني وين اعرف وين اندل خلي قيصر يجيب الخبز واني اسوي الريوگ

نوال.. قيصر نايم وعلى مايگعد صايره بـ9 خالچ يريد يتريگ ويطلع لشغله

حياة.. يعني خالي موجود چا خالي هوه يجيب الخبز

نوال.. محد راح يطلع انتي اللي راح اجيبين الخبز يله لاصفنين بوجهي انگلعي وجيبي الخبز يلاااااا