روايه/ حياة بريئه
البارت/ الثاني عشر
بقلمي الكاتب/ حسن الأسدي
-----------------------------------------------
ضلينه نسولف ونضحك لحد مادخلنه لشارعنه ونباوع ونشوف سيارات الشرطه مطوقه المنطقة وشرطه واكفه گبال بيتنه
ولناس كلها بشارع
حياة.. هاي شنو شصاير
قيصر.. ماادري بس الله يستر
حياة....
نزلنه انه وقيصر من السيارة وقيصر راح يركض رحت امشي وسمع واحد يصيحني التفتت لگيتها خوله
خوله.. حياة شنو شصاير شبيها الشرطه
حياة.. ولله ماادري اجينه لگينه المنطقه هيچ
خوله.. امشي خل نروح لأم علي نسألها لخبار كلها يمها
حياة....
رحنه لأم علي لگيناها واگفه بلباب
اني وخوله.. السلام عليكم
ام علي.. وعليكم السلام هله يمه
خوله.. خاله شنو شصاير شبيها الشرطه مطوقة المنطقة
ام علي.. ماادري بس سمعت جاي ايدورون على واحد اضن شارد من السجن
حياة.. زين اهل المنطقه شعليهم
ام علي.. مو الشرطه لاحگه هذه الشارد من السجن ايگلچ دخل بشارعنه وختفه فص ملح وذاب صارلهم ساعتين يدورون ماخلو بيت مادخلو وفتشو وماكم قطره ماي وشربتها الگاع
خوله.. هااا مشكوره خاله
ام علي.. تفضلو
خوله.. لا وين نتفضل يلا خاله يمچ العافيه
ام علي.. الله يعافيچن بعد روحي يمه
حياة.. امشي خل ندخل للبيت هسه شوي وتفض هلطلابه
خوله.. على گولتچ امشي
حياة....
رحنه ودخلنه للبيت لگيت مرت خالي نوال گاعده بلهول چني ماشفتها گبل دخلت لغرفه جدي ذبيت العبايه ولحجاب ورفعت شعري لأن الدنيا حارة فرشت فراشي وسمعت جدي وخالي وقيصر دخلو للبيت ويسولفون فتحت شعري ورجعت لفيته عدل ولبست حجابي وطلعت
جدي.. بويه حياة ماي رحمه على والديچ
حياة.. رحت للمطبخ جبت صلاحيه ماي وصبيتلهم وگعدت يم جدي نزلت خوله
خوله.. شني الشرطه راحت
قيصر.. اي راحت وكلمن دخل لبيته
خوله.. زين الحمدلله
ضياء.. يلا تصبحون على خير
الكل.. اجمعين
رحت لغرفه جدي نزعت حجابي وتمددت بفراشي دخل جدي
جدي.. شعندچ نايمه هنا روحي نامي بحجرتچ الجديدة
حياة.. حجرتي الجديد شنو
أنت تقرأ
حياة بريئه
Ficção Geralللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
