روايه/ حياة بريئه
البارت/ الحادي عشر
بقلمي الكاتب/ حسن الاسدي
-----------------------------------------------
حياة.. قيصر رجعني للبيت بطلت مااريد اشتري اي شي جاي احچي ويه قيصر مااحس اله باب السيارة البصفي انفتح وأيد نحطت على چتفي اباوع وچان اشوف خاله ام خالد طفرت من السيارة وشبگتهاام خالد.. شلونچ يمه شخبارچ
حياة.. زينه الحمدلله ولله خاله امس وانه جاي اصلي اجيتي على بالي
ام خالد.. اتفظلو يمه اتفظل يمه قيصر
حياة.. شنو خاله شنو شلتو من بيتكم القديم وشتريتو هنا
ام خالد.. بعدين يمه احچيلچ كلشي خل ندخل هسه وبعدين نحچي
حياة.. دخلنه ورحنه لبيت ام خالد فتحت الباب ودخلنه صار بجهي خالد
خالد.. شلونچ حياة شلون صحتچ ان شاء الله زينه
حياة.. الحمدلله خويه زينه نعمه من الله
وراح خالد وسلم على قيصر واجت زوجه خالد هديل وسلمت علينه وچان اشوف ياسين
حياة.. تعال ولك ياسين ياء تستحي من عندي ولك
ياسين.. شلونچ خاله
حياة.. زينه اني خاله
ام خالد.. ياسين ولك هاي حياة الچنت مفلش بابهم بلطوبه مالتك هسه صاير تستحي
حياة.. لا خاله هوه من زمان چان يستحي مني
ام خالد.. چا اذا اگلچ ماصدگين قبل من چنت اودي الچ اگله روح ودي هاي الشي لحياة مايقبل ويظل يبچي وين بلويلا على ما يقبل
حياة.. ليش بلعكس انه احبه واموت عليه هذه حبيب گلب بيبيتي الله يرحمها
ام خالد.. يگول مااروح لحياة من سألته ليش يگلي هاي حياة ماتستحي كلما اروحلهم وتگلي انخدمك عريس وانه استحي
حياة.. يمه فدوه
خالد.. يلااا يمه وين عشاكم
ام خالد.. اي هسه يمه هديل جاي تصب بلعشه
حياة....
عفتهم وعفت قيصر وخالد يسولفون وگمت وانه كلشي مافهمت شنو علاقه قيصر بيت ام خالد وخالد منين يعرف قيصر دخلت للمطبخ لگيت زوجه خالد هديل جاي تصب بلعشه رحت عليهاحياة.. هديل شلونچ
هديل.. الحمدلله زينه انتي شلونچ
حياة....
ضليت واگفه اسولف وهديل تصب بلاكل
تعشينه وصبو الچاي وگعدنه نسولف انتظرتهم يشربون الچاي وگتلهمحياة.. يله مادام تعشيتو وشربتو الچاي فهموني ليش انتو هنا بهاذ البيت شنو علاقه قيصر بيكم وشلون انه وصلت هنا اصلاً
أنت تقرأ
حياة بريئه
General Fictionللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...