روايه/ حياة بريئه
البارت/ العشرون
بقلمي الكاتب/ حسن الأسدي
-----------------------------------------------
قيصر.. جدي بويه عمتي نيسان هيه وولادها اجو من سوريا وهسه همه بلمطار وراح اروح اجيبهمنوال.. ولچن يلا گومن شيلن الريوگ ورتبن البيت بسرعه يلا گومن شبيچن صافنات
حياة.. گمت شلت الريوگ وغسلت المواعين وخوله راحت ترتب الدوانيه ولهول كملت غسل المواعين واخذت المكناسه وكنست المطبخ وشعلت بخور وخليته بلهول وصعدت لغرفتي اخذت دشداشة لون وردي ودخلت للحمام سبحت بسرعه وطلعت رجعت لغرفتي نشفت شعري ولفيته سمعت صارت هوسه جوه گلت معناها اجو طلعت حجاب لون اسود وبي ورد وردي لفيت حجابي ونزلت
صار بوجهي ولد گاعد گبال الدرج هيچ يجي بعمر قيصر نزلتحياة.. السلام عليكم
الكل.. وعليكم السلام
حياة....
رحت سلمت على خالتي نيسان بس شبگتها ضلت خالتي تبچينيسان تحچي وتبچي.. خلي اشمچ بيچ ريحه امچ حنان الله يرحمها كبرتي حبيبتي على الهم ولوجع وينچ حنان تعاي شوفي بنيتچ شلون صارت مره
نوال.. يلا خيه نيسان كافي شنو هلبچي خلنشوفكم حياة وخري عن خالتچ خليها ترتاح
حياة.. وخرت من خالتي ولتفتت لگيت بنات ثنين واگفات
نيسان.. يمه هذن بناتي خلود وسحر
حياة.. رحت سلمت عليهن
نيسان.. وهذول ولدي زيد ومازن
حياة.. سلمت عليهم ورحت گعدت يم خالتي مرت ساعتين وحنه گاعدين نسولف
نوال.. حياة گومي روحي ويه خوله صبو الغده
حياة.. اترخصت من خالتي نيسان وگمت رحت للمطبخ لگيت خوله جاي تصب بلاكل رحت گتلها عوفي عوفي اني اصب الاكل انتي روحي روحي گعدي ارتاحي
خوله.. وخري وخري محد اشتكالچ الحال
حياة.. خوله عود صدگ بعدچ زعلانه مني ولله ماچان قصدي انو احضنه
خوله.. اوووووو گتلچ وخري لا تخليني هسه اشهرچ وخزيچ گدامهم
حياة.... عفتها ورحت أرتب بلاكل دخلت خلود
خلود.. انطني شنو عدچن اساعدچن
حياة.. لا حبيبتي مشكوره روحي انتي گعدي ماعدنه شي خلصنه دخلت سحر
سحر.. اگول انتي حوله مرت قيصر
خوله.. اي اني بس اسمي خوله مو حوله
سحر.. هااا اعتذر عبالي اسمچ حوله
خوله.. لا عادي ماصار شي
سحر.. انتي بشگد اكبر من قيصر
أنت تقرأ
حياة بريئه
General Fictionللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...