روايه/ حياة بريئه
البارت/ الثالث عشر
بقلمي الكاتب/ حسن الأسدي
-----------------------------------------------
حياة.. صدگ چذب خوله شوداچ للسطح انطيني مجال جايه افتحلچ بس اصبري رحت فتحت الباب ومااحس اله ولد شاب دخل عليهالولد.. ابوس ايدچ انه دخيل عدكم
حياة....
اني من الخرعه رحت اركض ودفعت باب غرفه قيصر وخولهخوله.. ياء يمه اسم الله شبيچ
قيصر.. شبيچ حياة احچي
حياة.. ماادري ماادري واحد دخل علينه من السطح
قيصر.. اهدي اهدي شنو منو
حياة.. ماادري مااعرفه .... طفر قيصر من الچربايه واني وخوله رحنه ورا
الولد.. قيصر بروح كلمن عزيز على گلبك انه دخيل عدكم
قيصر.. ياسر شطلعك من السچن وليش هيچ خايف ومنو يركض وراك
ياسر.. انه شردت من السجن ولشرطه جاي تفتر بلمنطقه وماچان عدني حل غير اعبر عليكم لبدني عدكم
قيصر.. اي تعال انزل اگعد بلدوانيه بس شوف انه مااگدر اخليك عدنه اكثر من ساعتين انته الشرطه جاي ادور عليك وحنه ماناقصين مصايب جديدة لو نتورط وياك
ياسر.. رحمه الله والديك قيصر
قيصر.. خوله تعاي انتي وحياة سون ريوگ لياسر خطارنه اليوم
حياة.. اني انتبهت على نفسي نازله بدون حجاب ركضت ودخلت بلمطبخ اجت وراي خوله اباوع عليها هيه هم مالابسه حجاب
خوله.. شبيچ حياة چنچ مسوده طگيتيها ركضه
حياة.. ولچ اني وياچ مالابسات حجابات وصارلنه ساعه واگفات گبال الولد
خوله.. ياء اي ولچ صدك هم زين انتبهتي
ولله لو قيصر منتبه علينه معناها انتها تاريخنهحياة.. وهسه شلون شلون نطلع بليه حجاب
خوله.. تعاي هاي العبي مال عمتي خالتهم وره الباب اخذ وحده ولبسيها وانه هم راح البس وحده
حياة.. ولچ شوفي جسمي كله يرجف مثل السعفه
خوله.. زين ماسمعتي قيصر گال سوو ريوگ شنو راح نسوي
حياة.. يعني بني ادم شياكل الصبح لو جبن لو بيض يعني ياكل مفطح مثلاً
خوله.. يا على كيفچ ماعرفتچ هههههههه
حياة.. اي ولله تشلعين الگلب هههههههه
حياة.. سوينه اني وخوله الريوگ واجه قيصر وخذاه واني وخوله صعدنه فوگ وكل وحده دخلت لغرفتها اني دخلت نزعت العبايه وشمرت نفسي على الچربايه ونمت مثل الميته وماگعدت اله على صوت خوله وهيه تگعدني
أنت تقرأ
حياة بريئه
General Fictionللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...