روايه/ حياة بريئه
البارت/ الرابع والعشرون
بقلمي الكاتب/ حسن الأسدي
-----------------------------------------------
حياة.. صعدو الجنط بسيارة قيصر وراحو وقيصر وصلهم دخلت وصعدت فوگ لغرفتي دخلت حسيت غرفتي فاهيه لأن سحر وخلود ماكو مرت الساعات ولوضع نفسه اذن الفجر توضيت وگعدت اصلي ودعيتلهم الله يوصلهم بلسلامه طبگت السجاده وحسيت بنغزه كلش قويه بگلبي ودخت تمددت بفراشي وماحسيت على نفسي اله نمت حلمت چن واحد لزم المخدة وخلاها ع وجهي وضل يخنگ بيه لحد ماختنگت ومتت ورى طلعت روحي اباوع وشوفه خالي ضياء فزيت مرعوبه ومااسمع اله صوت صياح گلب البيت گلاب نزلت مثل المسودنه اركص زلگت رجلي وطحت من الدرج گمت وشوف خوله ونوال يصرخن ولگاع كلها دم درت وجهي ومااشوف اله جدي طايح يم باب المطبخ وسچينه نابته بصدره رگضت على جدي وضليت اصرخ ومااعرف شسوي طلعت السجين من صدره ولدم ترس الگاع ترس ضل يصب مثل الحنفيه واني اصرخ وضليت مثل المسودنه مااعرف شسوي ايدي وملابسي انترسن دم طلعت بلطارمه اركض مثل لمسودنه واني بدون وعي فتحت الباب وطلعت بلشارع واني بدون حجاب وبقيت اصرخ التمت الجوارين على صوت الصريخ وجو وبسرعه شالو جدي وطارو بي للمستشفى التمت نسوان المنطقه وماشوف اله نوال لزمتني من شعري
نوال.. الله ياخذچ الله لايوفقچ كتلتي جددددددچ كتلتي جدچ ولچچچچ
حياة.. انتي شجاي تحچين تخبلتي
نوال.. ولچ ليش ولچ ليش كتلتي ولكم واحد يخابر الشرطه ولچ خوله طلعي سدي الباب ولچ لاتشرد
ام حوراء.. على كيفچ خيه ام قيصر راح تموتين ولچن انطني التلفون اني اخابر الشرطه
حياة.. خاله ابوس ايدچ اني اكتل جدي شمالني تسودنت خاله ولله مو اني ولكم مو اني ولله مو اني .. ماشوف اله خوله دفرتني بخاصرتي بكل قوتها حسيت روحي شاغت الهوى ماگمت اتنفسه
خوله.. زخرررررري وخررري الماتخافين من الله گعدناچ ابيتنه وعتبرناچ وحده منه تاليها ع حچايه من جدچ تكتلي ولچ
حياة....
اني ابچي واصرخ ومصدومه من المنضر لشفت بي جدي ولسچين نابته بصدره ومصدمومه من الحچي الي جاي يحچونه وياي ويردون يلبسوني التهمه / ومااسمع بس صوت صريخ خالي ضياء دخل يركض گبل نسوان المنطقة سون علي دائره بعبيهن
ضياء.. وخرن وخرن خلي اكتلها خلاص
نوال.. لاضياء عوفها تولي خابر الشرطه وخلي يشوفون شغلهم وياها
حياة....
اني دموعي نشفت بقيت ابچي بدون دموع وبقيت بس اشهگ
خوله.. عمي مثل ماگتلي راح صفاء يجيب الشرطه حته ياخذون هاي الچلبه
حياة.. اني هنا ماتحملت گمت من وره النسوان وبقيت احچي واصرخ بكل قوتي / شوفو مو كتلتو جدي وتردون تذبون كتلته براسي حته تخلصون مني
أنت تقرأ
حياة بريئه
General Fictionللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
