روايه/ حياة بريئه
البارت/ الثالث والعشرون
بقلمي الكاتب/ حسن الأسدي
-----------------------------------------------
حياة.. اني گاعده ونعسانه كلش اترخصت منهم وصعدت لغرفتي فرشت فراش للبنات وطفيت الضوه ونمت وحلمت چنه (اجتي بيبي بلحلم وهيه تبچي وضايجه وگاعده على صفحه اني بقيت اسئلها ليش تبچين شبيچ مادت علي گالت اني رايحه بس قبل لااروح روحي سلمي على ...؟ لأن راح اخذه وياي) فزيت من الحلم بس عيوني يتحرگن جسمي كله مثل المشلول ويرجف گعدت وعيوني فاضت بدموع على صوت البچي ماتي گعدت سحر من النوم
سحر.. يمه اسم الله شبيچ ياء خايبه ليش تبچين
حياة....
اجت سحر يمي وشبگتني وضلت تمسح على راسي وتقره ايات
سحر.. اهدي اهدي شبيچ شنو حلمتي
حياة.. انطتني سحر ماي شربته وسولفت الحلم لسحر
سحر.. اسم الله كافي كافي لا تكملينه ولاتخافين هذا حلم هسه گومي طلعي صدقه وبعد لا تسولفين الحلم وشيلي من راسچ ونسي وترى اذن اني توه ردت اگعدچ وگعد خلود حته نصلي سوه
حياة.. تعوذت من الشيطان الرجيم وگمت رحت للحمام غسلت وجهي وتوضيت ورجعت فتحت كنتوري وطلعت فلوس من جوزداني وخليتهن على صفحه وگلت هذن الفلوس صدقه عن هذا الحلم راحت سحر توضت ورجعت حته تگعد خلود
سحر.. خلود ام خدود ولچ گعدي اذن الفجر گعدي حته انصلي اني وياچ وحياة يلا گومي
خلود.. صلن انتن اني وشوي وگوم اصلي عوفيني خليني انام تعبانه من وراچ مانمت اله بلـ1 عود اني بعدين اگعد وصلي
حياة.. گومي خلود گومي تعوذي من الشيطان ولا تخلينه يوسوسلچ يلا حبيبتي گومي توضي وتعاي خلي نصلي سوه
سحر.. يلا ولچ گومي شلعتي گلوبنه
حياة.. گامت خلود وراحت توضت وجت لبسنه ملابس الصلاة وفرشنه سجاداتنه وگعدنه نصلي صلينه وخلصنه خلود گبل رجعت نامت واني وسحر كل وحده لزمت قرآن وگعدنه نقره لحد ماطلعت الشمس صدقت وطبگت القرآن ورجعته لمكانه ورجعت گعدت يم سحر
حياة.. سحوره اريد اسئلچ سؤال ضال بگلبي من اول مااجيتي
سحر.. سئلي حبيبتي حياة
حياة.. ليش تضوجين من خوله شنو مسويتلچ وعلى حسب ضني انو انتي اول مره تشوفيها من تزوجت فليش هلگد تضوجين منها
سحر.. ها اني اگلچ ابوي الله يرحمه چان صديق ابو خوله وچانو الروح بلروح وصار حدث كلش چبير بينهم وبسبب هذه الحدث ابوي انسجن سنتين من ورى ابو خوله لذالك كل مااشوفها اضوج اذكر ابوي الله يرحمه
حياة.. الله يرحمه أن شاء الله / وهسه شنو انتي راح تنامين لو تبقين گاعده
سحر.. لا مالي خلگ انام راح انزل اگعد بلحديقه شوي مادام الجو حلو اليوم ونتي راح تنامين
أنت تقرأ
حياة بريئه
General Fictionللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
