روايه/ حياة بريئه
البارت/ السابع
بقلمي الكاتب/ حسن الأسدي
-----------------------------------------------
حياة.. نمت وحلمت (جنه اكو فاتحه بلبيت ونسوان كلهن يبچن وصوت الصريخ كلش قوي) فزيت مخنوگه ومرعوبه اريد اجر النفس مااگدر وجسمي كله يرجف باوعت للساعه بلـ6 وربع الصبح بلگوه گمت من فراشي شغلت الضوه ماكو كهرباء رحت للجرارات اخذت شمعه شغلتها ونزلت لگيت خالي ومرت خالي وخوله وجدي جاي يتريگون
حياة.. صباح الخير
جدي وخوله.. صباح النور
حياة.. ليوم گاعدين من وكت
خوله.. اي مو عمي وعمتي راح يرحون لبغداد
حياة.. رحت گعدت گبال مرت خالي
خاله فدوه لاترحون لبغداد
نوال.. لا ولله وليش مانروح لو تردين ناخذ اذن منچ
حياة.. خاله اني حلمانه حلم مو زين
ولحلم يخوف اجلوها الروحه
نوال.. سكتي سكتي حلم يخوف شيجي من وراچ غير المغثه ... يله ضياء راح نتأخر
ضياء.. يله بويه مع السلامه قيصر دير بالك علي جدك ومرتك على مانرجع
قيصر.. ان شاء الله بويه ترحون وترجعون بسلامة
خوله.. الله وياكم درب السلامه
نوال وضياء.. الله يسلمچ
حياة.. الله وياكم
ضياء.. يله نوال طلعي
حياة....
راحو خالي ومرته واني شلت صينيه الريوگ وديتها للمطبخ صبيتلي چاي وگعدت اشرب دخلت خوله وقيصر يسولفون ويضحكون
خوله.. حياة حبيبتي اني وقيصر راح نروح للسوگ تجين ويانه
حياة.. لا حبيبتي روحو انتو
قيصر.. شعندچ تعاي ويانه اتونسي
حياة.. لا ولله مالي خلگ
خوله.. گومي گومي شعندچ باقيه بلبيت
قيصر.. تره مانروح اذا انتي ماترحين
حياة.. زين رايحه ابدل واجي
خوله.. خوش على ماتبدلين احنن هم مبدلين
حياة.. صعدت لغرفتي ورحت للكنتور فتحته باوعت للملابس ماعندي شي اطلع بي لبست دشداشة لون نيلي وحجاب اسود ولبست عبايتي ونطفيت الضوه ونزلت رحت لجدي دگيت الباب
جدي.. اتفظل
حياة.. دخلت ورحت بسته براسه
جدي.. تبوسين الكعبة
حياة.. جدو اني راح اروح للسوگ ويه قيصر وخوله
جدي.. روحي
خوله.. يله حياة قيصر طلع
أنت تقرأ
حياة بريئه
Ficción Generalللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
