روايه/ حياة بريئه
البارت/ الثاني
بقلمي الكاتب/ حسن الأسدي
-----------------------------------------------
توني مغمضه عيني ومااسمع غير الباب الخارجي تفلش عليه گعدت مرعوبه وركضت للباب فتحته لگيته خاله ام خالد تبچي
حياة.. خير خاله شبيچ تبچين فوتي جوه
ام خالد.. يمه المستشفى يردون جنسيه ومستمسكات بيبيتچ
حياة.. ليش !!!!
ام خالد.. البقيه بحياتچ يمه بيبيتچ توفت انطتچ عمرها
حياة.. شنو كاعد اتكولين وماحسيت على نفسي گبل طحت ونغمى علي.... گعدتني خاله ام خالد ذبت على وجهي ماي
ام خالد.. يمه كافي گطعتي گلبي
حياة.. خاله راحت راحت بيبيتي راحت بعد محد بقه عندي
ام خالد.. يمه انتي مؤمنه هذه امر الله وكلحنه على هلدرب ومايدوم اله وجهه الكريم
حياة...
التمن نسوان المنطقه ولبيت انترس ترس جنت گاعده بلگاع رجلي مااگدر اوكف
عليهن لأن من الصدمه حسيتهن ماتن سمعت وحده من النسوان گالت جابوها جابوها گمت على حيلي وانفتح الباب ودخلو التابوت خلو بلهول رحت گعدت يم راسها گتلها.... بيبي النار شبت بجسمي شبت بضلوعي ماشبت بجسمچ گومي حبيبتي گومي مو وعتيني ما تعوفيني وحدي گومي مو فطرتي گلبي
يا ربي يا حبيبي ارحمها برحمتك الواسعه
وثبتها عند سؤالك ثبتها بقول لا اله الا الله الله وياچ سلميلي على امي وابوي وگليلهم حياة من بعدنه انگسر ظهرها
ام خالد.. گومي يمه گومي كافي ادعيلها بلرحمه ولمغفرة
حياة.. خاله انكسر ظهري
ام خالد.. ماينكسر ظهرچ وانه موجودة طول ماراسي يشتم الهوى
حياة....
ومر اسبوع على وفاة بيبيتي
واني حالي من اسوء إلى اسوء چنت گاعده واقره قـرآن وسمعت صوت الباب اندگ صدقت وگمت فتحت الباب لگيت خاله ام خالد
حياة.. خاله كافي لا اجيبين اكل تره اني اكل اي شي
ام خالد.. هسه يمه ابنيتي گعدي اتغدي
حياة.. خاله مااشتهي ولله الزاد مر يحلگي
ام خالد.. يمه ماايصير انتي من امس مادخل معتچ غير الماي اذا تردين بيبيتچ ترتاح بگبرها اكلي يمه وكملي حياتچ تره الحزن مايرجع صليلها وقريلها قـرآن ودعيلها وثوبيلها تره البچي ولحزن يابنيتي مايفيدها
حياة.. خاله شلون اكمل حياتي وبيبي ما موجودة بيها الدنيا ماقصرت وياي خاله راوتني الظيم من چان عمري3 سنوات
ام خالد.. تره يمه الدنيا ماتوگف على احد الدنيا لو توگف على احد چا وكفت على اهل البيت يمه انبياء ومرسلين ماوكفت الدنيا عليهم وبعدين هذه امر الله محد يگدر يعترض عليه بيبيتچ حصلتلها قبر خاف يجي يوم حته قبور مانحصل وانتي بنيه فاهمه وعقلچ وتصرفاتچ اكبر من عمرچ .. خوش ربيتي يا زهره
أنت تقرأ
حياة بريئه
General Fictionللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...
