روايه/ حياة بريئه
البارت/ الخامس عشر
بقلمي الكاتب/ حسن الأسدي
-----------------------------------------------
حياة.. سدت خوله الباب وخلينه الاكل بصندوگ السيارة وصعدنه ومشت السيارة تمشي السيارة وتمشي طلعنه مكان فارغ مثل الصحراء مابي ولا بشر بس السيارات تتخاطف ولطريق اضلم بس ضوه السيارات واني چنت اباوع من الجامه وضايجه لان منظر المكان مو مريح للعين
ومانحس اله سيارة اجت من بعيد ودعمتنه كلنه صرخنه صرخه وحده وكف قيصر السيارة ونزل حته يشوف السيارة
نزل الولد ابو السيارة ومانشوف اله مرت خالي نوال نزلت وراحت للولد اني وخوله تصيح عليها وهيه ماكو ماترد نزلنه وراهانوال.. وعمه حته عمه ماتشوف عيونك المن فاتحن منظر ماتعرف تسوق ليش طالع برى روح اگعد ابيتكم
قيصر.. يمه يمه رجعي للسيارة عمي احنه اسفين ونعتذر وحقك علينه
نوال.. ونته بعد تعتذر منه وهوه داعمنه تعال ضياء خابر الشرطه خل يجون ياخذونه
الولد.. حجيه اهدي اهدي تره ابنچ الغلطان
نوال.. غلطان شنو احنه اليوم چا زتونه كلنه للنجف وتگلي اهدي هدت عليك چلاب السوگ ان شاء الله ضياء شبيگ روح خابر الشرطه انه اليوم مااتحرك منا وهاي گعده ما اتحرك اله لمه اشوفه مكلبچ گدامي
خوله.. اگلچ حياة هاي صدگ تحچي
حياة.. ولله ماادري ياء ياء انوب گعدت بنص الشارع
ضياء.. نوال گومي
حياة....
جدي نزل من السيارة وصاح بعلو صوته بحيث الصحراء الي احنه بيهه حسيتها هتزت من صوتهجدي.. نواااااااااال
نوال.. عمي بلا شوفه هسه لو رايحين بيها چا هسه جثثنه بلمغيسل
جدي.. گلت تعاي صعدي ضياء صيح على حرمتك لا ولله اسوي بيها مصيبه ودفنها بهاي الصحراء ولكم الله وكبر
قيصر.. ونته عمي روح توكل الله وياك
ضياء.. يله تعالو صعدو خلنوصل للطرگاعه السوده
حياة.. راح الولد ابو السيارة وگامت نوال واجت صعدت بلسيارة وحنه كلنه صعدنه
ومشت السيارةقيصر.. يمه شبيچ تسودنتي شنو هذا الي سويتيه
نوال.. اخ اخ ماخليتوني ابرد گلبي بي
ضياء.. شتبردين گلبچ هو غير قيصر الغلطان
جدي.. شوفي ينويل هلمره عبرتلچ مرت الثانيه اكسر ايديچ ورجليچ وهاذا زلمتچ ووليدچ گاعدين فضحتينه وتصيحين جنچ دلاله انه لو موالعيب من الزلمه چا كسرتچ وشمرتچ بهلصحراء
ضياء.. صلي على محمد بويه ماصار شي
جدي.. اسكت اسكت انته مابيك خير حرمتك ماگادر تردها
أنت تقرأ
حياة بريئه
General Fictionللكاتب حسن الأسدي🎗️🌺 روايه حقيقة من الواقع 100٪ 🦂 فتاه عراقيه من بيئه شعبيه تعيش تحت ضل اقربأها ووجع الفراق ثم تنقلب حياتها رأساً على عقب وتجد نفسها مقيده وراء اسوار الضلم لكي تواجه مصيرها وهل سوف تتحرر حياة من ضلم الاتهام او للقدر كلمه اخرى...