جالس بالكافتريا يشرب قهوته، ويدخن سجارته بهدوء قاعد يطالع الشباك، قاطع شروده صوت محمد،
"صباح النور بجاد،"
_بجاد بقى ع جلسته، وكانه م سمعه،
"لمتى بتبقى تتجاهلني،"
_همس بخفوت بجاد من يومين يتجاهله،
من اخر موقف صار بينهم، اذا كلمه محمد يتجاهله زي م يسوي الحين مو قادر يتجاوز أخر موقف بينهم و اسلوبه معاه،
طفى بجاد سجارته، ومسك جواله بيده، ووقف يبي يبعد عن هالمكان، تخطاه بدون م يناظره وكأنه هوا مو شايفه، بس قبل م يتجاوزه حس بيد محمد شدته من ذراعه يجبره يوقف، لف بعصبيه وناظره بحده بس محمد م هتم وبقى ماسكه وهمس بهدوء،
"اسف ادري انه اسلوبي كان زق،، بس اعذرني انا مضغوط هاليومين وم كان قصدي....."
_قبل يكمل كلامه قاطعه بجاد اللي مسك يده بقوه وأبعدها عن دراعه،
وهو يناظره بحده، لف عنه بدون كلمه ساحب رجوله برا الكافتريا،، ومحمد قاعد يناظر بهدوء عكس النار اللي بداخل صدره، كان يدري انه ماراح يرضى بسهوله،
.............................
كان نازل بكل هيبته لبس بدلته العسكريه عليها ويساماته، ونظراته حاده مثل العاده، شافه طالع من المجلس صد عنه مو مهتم بوجوده يكمل طريقه للبوابه الكبيره.
"همام"
_همام سمعه بس م وقف وكمل طريقه بهدوء،
"همام، يا اخي، لمتى بتبقى تعاقبني بهالطريقه، زي البزران،"
_نطق بصوت عالي عشان يسمعه همام،
وقف همام ولف عليه بكل هيبته وضخامته، يناظره بحده.
"وقت توقف سوالف المبزره،"
_انهى جملته بنظرات الاستصغار لاخوه،
"انا ماني بزر،"
_جاوبه ريان بشويه انفعال.
"صوتك ياكلب، قلتلك الف مره صوتك لا يعلى علي، ترى من غير شي واصل حدي معاك."
_انهى جملته بصوت عالي يقرب منه،
ريان حس انه جاب العيد، وهو يشوف همام يقرب منه وعيونه مليانه شر، أطرافه بدت ترجف بخوف،
همام سحبه من بلوفر ورفعه عن الارض بسبب فرق الطول الكبير بينهم،
"وشو ضرب عرق الرجوله عندك، صرت ترفع صوتك علي ياخنيث،"
_نطق بفحيح ، يطالعه بغضب،
"بس انت اللي يحقلك ترفع صوتك، انت مو من حقك تعاملني زي البزر و تبي مني اتحمل مسؤوليتي ك رجال،"
_همس بخوف خلاص راح ياكل الزق، ومعاذ مو موجود،
أنت تقرأ
هُمَامْ
Actionعندما يتحدث المال يخضع كل الانسان.... وكغيرك ستخسر امامي، المال كالخمر الحلو مهما ارتويت منه لن تكتفي، المال لعنه يجرد صاحبه من مبادئه، فماذا يفعل المرء من اجله، رواية همام تتميز بكل الفنون الغموض_____الاكشن_____الدراما_____الرومانسيه_____التشوي...
