هُمَامْ

تلميحات

شاله همام بصعوبه ودخله اقرب غرفه، سدحه ع الكنب، و سحب جواله يتصل ع دكتور الي بالاوتيل، مسح وجهه بيده بغضب ،ورجع يطالع بجاد اللي كان بين اغماء والوعى، بعد لحظات وصل الدكتور وعالج جرح بجاد كان جرح سطحي، ولف الشاش عليه، مطمئنه وطلع بهدوء،

همام جلس ع الكنب مقابله، كتب رساله ع جواله وحطه بهدوء، سند جسمه بيدينه ع فخوذه يطالع بجاد، بجمود وعقله مشغول بتفكير،

بقى جالس لحظات لين سمع طق ع الباب، قام وفتحه، شاف النينجه واقف قدامه، بيده كيس،

"يا اخي م ورايا اليوم غيرك كل شوي تغير ثيابك، وش هالمحنه،"
_انهى جملته يمدله الكيس، همام سحب الكيس بهدوء، وهمس،

"اذلف مو وقت سماجتك الحين،"
_وسكر الباب بوجهه،

إلتفت وشاف بجاد جالس ع الكنب وماسك راسه بين كفوفه،

"بجاد"
_همس وهو يتقدم منه بسراعه، جالس جنبه، حط كفوفه ع كفوف بجاد اللي ماسكه راسه،

"بإيش تحس بجاد، يوجعك راسك،"
_بجاد م رد عليه، ودف يدينه، يحاول يقوم، بس رجع جلس لما حس بدوخه خفيفه،

"اجلس ارتاح شوي، ولا تعاند الحين،"
_نطق همام بهدوء.

بجاد بدون رد رجع راسه لورا سانده ع الكنب وغمض عيونه،
همام قام من جنبه وجلس ع الكنب مقابله، يطالعه بهدوء،
بعد لحظات همس بهدوء،

"من متى طاق الميانه مع جمانه من متى بينكم ضحك ولمسات، من متى تتصرف برخص بالعلن... شغايتك من كل هالحركات، متقصد تلفت انتباهي،"
_انهى جملته بشوية حده يناظر بجاد الي باقي مغمض عيونه بدون حركه، بس انفاسه المسموع تأكدله انه سمعه،

بعد لحظات، فتح بجاد عيونه بهدوء ، وناظره بجمود،

"غيران عليها مني،"
_انهى جملته بإبتسامه جانبيه،

"كان عاجبك وضعك وكل لقحاب عيونهم عليك بشهوه، ومقومين عليك،"
_همام تجاهل جملته ونطق ببرود ظاهري، استفز بجاد، بس قرر يسفه و م يرد عليه،

"بتستفيد شي بهالقذاره..... واذا استفدت بنظرك في شي افضل من كرامتك.... الأولى صعبه تجاوزتها و اللي بعدها يكون سهل صح، صار عندك الوضع عادي،..."
_كان يكلمه بهدوء وهو يناظر عيونه الجامده،

بجاد سمع كل الي عنده، بدون رد، وقف بهدوء، يبي يطلع من الغرفه، وقفه صوت همام، البارد،

" غير ثيابك قبل تطلع،"
_انهى جملته يقوم من الكنب و انحنى ع الارض شال الكيس، ومده لبجاد الي بدوره سحبه بدون نفس يشتت بصره عليه مو طايق يشوف وجهه، م كان يبي احد يشوف حالته لمبهدله و ثيابه الي صارت مليانه دم وشاش ع راسه،