هُمَامْ

الذنب

بجاد كان واقف باللبلكونه يدخن سجارته بهدوء ،مستغرب تاخر زياد، الساعه اربعه الفجر، وباقي م رجع ولا اتصل فيه، ولما اتصل بجاد، لقى جوال مقفل، كان يبي يروح يسال عنه بمكان شغله بس يكره الاماكن اللي يشتغل فيها زياد، ووصاختها، بس مو عارف وش يسوي يحس بنغزه بقلبه عليه، فجأه شاف سيارته وقفت تحت البنايه، زفر براحه، بس انخرش لما شاف زياد نازل من سيارته مو قادر يسند طوله، ووجه مليان دم، رمى سجارته بالارض

ساحب رجوله بسرعه طالعه من شقه، يجر رجوله بعرج واضح، لين وصل لباب البنايه وشاف زياد داخل، خطى ناحيته بسرعه، وسنده قبل يطيح ع الارض،
لف يدينه ع خصره، بقوه يحاول يوقفه، بس زياد م كان قادر يوقف ع رجوله، اضظر يشيله حط يد تحت رجوله ويد الثانيه تحت ظهره، يشيله بخفه، يرجع يخطي بعرج راجع لشقته، بملامح حاده،

مدده ع كنبه، يناظر ملامحه اللي واضح عليها اثار الكدمات القويه بنفسجيه و عيونه متورمه،
راح للحمام اخذ منشفه بللها بالمويه، ورجع لزياد ينظف جرحه، جاب المعقم وعقم جروحه، كان يسمع انين خافت من شفايف زياد، وقلبه يوجعه،

لاحظ الكدمه البنفسجيه اللي ع رسغه، مسك يده بهدوء يتفحصها، زفر براحه لما شاف انه مجرد التواء خفيف، لف له يده وحاول يغيرله ثيابه بدون م يصحيه، رجع شاله ودخله لغرفته يمدده ع سرير،
جلس جنبه، وغمض عيونه بغضب وقهر، يتساءل منهو الحقير اللي قدر يسوي بصاحبه، هالشي،

بقى طول لليله يطالعه بهدوء يحس بوجع ع صاحبه، وعقله يودي ويجيب مو فاهم وش قصته، او وش سبب،

شاف زياد يفتح عيونه بضعف، وعينه يسار مو راضيه تنفتح،

"بجاد ابي مويه"
_همس بتعب، يشوف بجاد اللي قام بسرعه، طالع من الغرفه، ثواني ورجع بيده كاس، قرب منه بهدوء يشربه،

حط الكاس بعد م خلص ريان وجلس مقابله ع سرير مسك يد ريان بهدوء وهمس بضيق،

"منهو اللي سوى فيك هالشي،"
_زياد زفر بتعب وناظر يدينهم، مو عارف وش يقول بجاد م بيعصب منه،

"في واحد خنيث كان يبي...."
_سكت مو قادر يكمل كلام، ولا هو قادر يناظر عيونه، غير الالم اللي بحس فيه بجسمه، وشايف يده ملفوفه، بشاش طبي،

"كمل اسمعك،"
_نطق بجاد بهدوء م يبي يعصب،

"كان يبني اطلع معاه بسيارته بالغصب، ولما رفضت عصب و مد يده علي،"
_نطق بتوتر، يشتت نظره عن عيونه،

"الخنيث تدري منهو، متعود يجي لعندكم،"
_بجاد نطق بإنفعال يوقف ع رجوله، يشد ع يدينه بغضب،