هُمَامْ

تخطيط

نهاية الاسبوع (بالمزرعة)

جالس همام و جمانه ع طاوله مقابل بعض، ماسك بين يدينه ورقه وقلم ويشرحلها،

"هالرموز والارقام ابيك تحفظيها زين.. التواصل بينا راح يكون من خلال هالرموز، فاهمه،"
_نطق بأمر، وهو يمد لها الورقه،

_سحبت منه الورقه، وهمست بطاعه
"بخبيها وبحفظها زين بعد م نخلص الاجتماع."

"لا تحفظيها زين الحين بعقلك ، وتشقيها قدامي مأبي مخلوق غيرك يشوفها،"
_همس بشوية انفعال، احيانا عقلها يوقف،

"خلاص خلاص، لا تعصب.. زي م تبي،"
_نطقت بسرعه بعد م شافت انفعاله، همام م رد، وهي نزلت راسها بتركيز مع الورقه،

_بعد مده رفعت راسها، بإبتسامه، وهمست
"خلصت،"

"متأكده،"
_همس يتأكد،

"ايه"
_ردت بثقه.

لفوا راسهم بنفس اللحظه لما سمعوا صوت سيف، وشافوا بجاد،
همام عيونه بعيون بجاد يناظرون بعض ببرود، قبل م يقطع بجاد تواصل عيونهم، ويلتفت لسيف الي يكلمه،

_جمانه همست بمزح،
"منو المز الاجنبي اللي جاي مع سيف،"

همام م رد عليها، وسوى نفسه يبتسم، ع مزحتها،
قرب سيف يسلم ع همام وجمانه وبجاد بجانبه،
_جمانه قربت من بجاد وبمزح، همست،
"الاجنبي يتكلم سعودي، غريبه،"

همام مسك كوب المويه بيده وشرب شوي، وقرب اكثر من بجاد، سوى نفسه مو قادر يمنع ضحكته، وتفل كل المويه بوجه بجاد، اللي نصدم من حركته، و حس بالاهانه، اهانه بوجودهم، شد ع يده بقوة يمنع نفسه من انفعال، وناظره بحقد وغضب.

قربت منه جمانه بسرعه، ماسكه منديل في يدها، تمسح وجهه، وهمست، تحاول تهدي الوضع لانه لاحظت غضب بجاد،
"ما كان قصده ،كله بسبب استهبالي."

"لما شفت وجهك تذكرت شي، وما قدرت امنع ضحكتي."
_انهى جملته بغمزه،

وقرب منه مسك المنديل من جمانه، وحط يده الثانيه خلف رقبة بجاد قدام عيون سيف اللى المصدومه،، وجمانه اللي مو فاهمه شي، و صار يمسح وجهه، ورقبته ورجع يمسح وجهه، جمانه حست انه الوضع مشحون بنظرات بجاد وهمام، مسكت سيف

_من يده وهمست بهدوء،
"ابيك بموضوع،"

سيف ما كان يبي يروح معاها، بس ماقدر يبقى كذا يشوف همام قريب من بجاد، واذا تدخل خايف بجاد يعصب، انسحب معاها وهو يحس بضيق،