هلا حبايييييبي،
إعلان : بما انه في متابعات يبون عيالي انا قررت أفتح مزاد اللي يبي شخصيه يدفع و بكذا محد يطلع زعلان، و أنا اطلع كسبانه،
البارت هديه لبنت بلادي Its_Human_love
كل عام انتِ بألف خير و عقبال الميه،
الشروط : ( ٦٠٠٠ كومنت و ٦٠٠ فوت )
احبكم😘😘😘😘
.
.
.
.
.
.
هود كان يمشي بممر المستشفى بخطوات هاديه و كشر ملامحه لما شاف آدم جالس ع الكرسي و يسولف مع نفسه كانه جالس يسولف مع شخص و عيونه تناظر قدامه،
ناظر حوله و شاف مجموعه من الممرضات واقفين بعيد عنه و يتهامسون و ملامح الشفقة بوجيهم، استعجل بخطواته لين وقف جنب آدم و قبل ينتبه له آدم خز الممرضات و اللي توهقوا و انسحبوا بإستعجال و نزل بصره لآدم اللي رفع راسه يناظره بإبتسامه، و جلس جنبه قلبه نغزه من اللي شافه،
"مع منو كنت تسولف،"
_نطق هود بتساؤل، و آدم ابتسم ببطء،
"طفل،"
_رد آدم ببساطه و هود عض باطن خده و هز راسه بتفهم،
"تبي تقول شيء،"
_نطق آدم رافع حاجبه،
"ايه ابي اكون صادق و منطقي معاك،"
_نطق هود بنبرة جاده، و آدم عقد حواجبه،..
"خير بوشو؟؟"
_تساءل آدم بهدوء،
"انا ادري و انت تدري انه الارواح موجوده و انه انت مو مجنون،..... بس تدري انه الناس ما يفهمون هالسوالف دام محد منهم شاف اللي تشوفه من قبل،"
_سكت و ناظر آدم بجديه،
"من الافضل لك لو تحاول ما تسولف معاهم بأماكن عامه، عشان محد يشكك بقدراتك العقليه و لا تنسى انت محامي و هالشيء يقلل من مصداقيتك مع العملاء،"
_نطق هود بنبرة جاده، كان خايف آدم يزعل منه بس مستحيل يتقبل احد يتمصخر عليه و يناظره ع اساس مجنون،
"روبن أنا ما علي من أحد المهم انا عارف اني مو مجنون، و انت عارف هالشيء، البشر ما يفرقون معاي، ترا حتى جاد اقرب الناس لي و ما يصدقني،"
_نطق آدم بنبرة جاده، و هود علق راسه 'بروبن' الاسم اللي ما نطقه آدم من فتره طويله،
"و أنا افرق معاك،"
_نطق هود بتساؤل و عيونه تلمع بأمل بس حس بالخيبة لما آدم هز اكتافه و قوس شفايفه بلامبالاة،
أنت تقرأ
هُمَامْ
Actionعندما يتحدث المال يخضع كل الانسان.... وكغيرك ستخسر امامي، المال كالخمر الحلو مهما ارتويت منه لن تكتفي، المال لعنه يجرد صاحبه من مبادئه، فماذا يفعل المرء من اجله، رواية همام تتميز بكل الفنون الغموض_____الاكشن_____الدراما_____الرومانسيه_____التشوي...
