Unicode
ဒီနေ့က မှူးနဲ့ဉာဏ်ကြား ပထမဆုံးပြေလည်သည့်နေ့ဖြစ်သည်။ ဉာဏ်ဘေးကအိပ်ပျော်နေသည့် အမျိုးသမီးလေးကိုငေးကြည့်ရင်းနဲ့ ရင်ခုန်သံတွေဟာ အလိုလိုကိုမြန်လာရသည်။ ဉာဏ့်ရဲ့ပျော်ရွှင်ခြင်း အစစ်အမှန်ကတကယ်ကိုမှ လှလှပပနဲ့ကိုတန်ဖိုးရှိလှသည်။
ရင်ဘတ်ပေါ် အိပ်ပျော်နေတဲ့သားကိုကြည့်မိတော့ နောင်တတို့အတိုင်းသားရမိသား ဒီသားငယ်လေး သူနဲ့မတွေ့ခင်ဘယ်လိုများနေထိုင်သလဲဆိုတာ သိချင်စိတ်တို့တဖွားဖွားနဲ့ရယ်၊ သားရဲ့ဆံပင်အုပ်အုပ်လေးတွေကို နမ်းရှိုက်မိတော့ သားငယ်ကအိပ်နေရင်း နှုတ်ခမ်းလေးတွန့်ချိုးသွားသည်။
"ဖေ..."
"ကမ္ဘာလေးက....နိုးပြီလားဗျ။"
"ကမ္ဘာ....နိုးပြီ။...မေမေ..အိပ်"
"အင်း!...ဖေ့ကမ္ဘာလေးက Morning Kiss လေးပေးပါအုန်းဗျာ"
*မွ...မွ*
ကမ္ဘာက ဉာဏ့်ရင်ဘတ်ပေါ် ဖင်ပူးထောင်လေးထောင်ပြီး အဖေဖြစ်သူရဲ့မျက်နှာအနှံ့ကိုသူ့နှုတ်ခမ်း နီရဲထွေးလေးနဲ့ နမ်းလာသည်။
"လာ...ထ ဖေဖေနဲ့မုန့်သွားစားမယ်။ မေမေအိပ်ပါစေ။"
"အင်း!...ထ..."
ဉာဏ်...သားဖြစ်သူ သွားတိုက်ဖို့ ကလေးတိုက်သပွတ်တံအသေးထဲ စတော်ဘယ်ရီအနံ့ သွားတိုက်ဆေးလေးထည့်ပေးလိုက်တော့ သားကကြိုးစားပြီးတိုက်ရှာသည်။သွားတိုက်ရင်းနဲ့လည်း အဖေဖြစ်သူကို လှမ်းရယ် ပြရတာအမောဖြစ်သည်။
ထို့နောက် ကမ္ဘာ့မျက်နှာဖွေးဖွေးလေးကို မျက်နှာသုတ်ပုဝါလေးနဲ့သုတ်လိုက်ကာ ခေါင်းလေးပါ ဖီးပေးလိုက်သည်။ သားကတော့ အဖေလုပ်သူ ဒီလိုအသေးအဖွယ်ကအစ လုပ်ပေးတာမခံဖူးရှာတော့ ငြိမ်၍ ဉာဏ့်ကိုသာလိုက်ကြည့်နေသည်။
"သား...မနက်မုန့်ဘာစားမလဲ။"
"လမ်းထိပ်က...ရှမ်းခေါက်ဆွဲစားမယ်"
"ကမ္ဘာက...ရှမ်းခေါက်ဆွဲစားချင်လို့လား။"
"ကမ္ဘာစားချင်..."
"အဲ့ဆို..ဖေဖေ အင်္ကျီလဲလိုက်မယ်ခဏစောင့်။"
"Ok!...ဖေဖေ"
YOU ARE READING
My step-mom's sister becomes my wife (Complete)
RomanceUnicode သံယောဇဉ်ကြီးတဲ့ငယ်သူငယ်ချင်းနှစ်ယောက်ကြား လက်မခံနိုင်တဲ့ အဖြစ်အပျက်တစ်ခုရောက်ရှိလာခဲ့သည်။ လက်မခံနိုင်မှုများစွာနဲ့ ကျောခိုင်းခဲ့မှုတို့ဟာအချိန်တစ်ခုထိရှိခဲ့သည်။ အဖြစ်အပျက်တွေကို အရွဲ့တိုက်လွန်းကာ ထင်ရာစိုင်းနေသည့် သူ့ကို လက်ထပ်ဖို့ သူမ ကိုယ...
