Unicode
ဒီနေ့တော့နေသာသည်လို့ပြောလို့ရပေမယ့် ဆောင်းဦးရာသီမို့ လေအေးတို့ကလည်းမိတ်ဆတ်တိုက်ခိုက်နေသည်။ဉာဏ်ကခေါင်းစွပ် ပါသည့် Hoodieအနက်လေးကို၀တ်လာသည်။ Hoodie အနက်ရောင်ကတောင်ဉာဏ့်အသားရည်ကို မှေးမှိန်းသွားစေချင်အလျဉ်း မရှိပါ။
"မှူး...လေစိမ်းတွေတိုက်နေတာ ဘာလို့အနွေးထည်မ၀တ်ထားတာလည်း"
"မ၀တ်ချင်လို့ ကျောင်းနောက်ကျတော့မယ်သွားမယ်လေ"
"မရဘူး...မှူး အနွေးထည်လေးကောက်စွပ်ခဲ့။လူကြည့်တော့ခါးတိုလေး၀တ်ထားပြီး"
သူမက ဆောင့်ဆောင့်နဲ့အိမ်ထဲပြန်၀င်သွားကာအနွေးထည်အပါးတစ်ထည်ကိုထပ်၀တ်လာသည်။ မှူးဟာဒီလိုတွေသူ့စကားဆို နားထောင်တာမို့ သူကမှူးအပေါ် အနိုင်ယူချင်သည်။ တကယ်လို့မှူးက သူ့စကားနား
မထောင်ပြန်ရင်လည်း သူကပင်မှူးကိုပြန်ပြီး ဂျစ်တိုက်တတ်သည်။
မှူးလည်း အိပ်ချင်နေသည့်စိတ်တို့ကြောင့် ဉာဏ်ကျောပြင်ကိုမှီကာ မှေးရင်းစက်ဘီးနောက်မှလိုက်လာခဲ့လိုက်သည်။ ဉာဏ်ကျောပြင်ကျယ်လေးကတောင်
နွေးထွေးပါသည်။
"မှူး....နင့်ဆီကိုအဲ့လို ရိသဲ့သဲ့စာတွေထပ်ရောက်လာရင် ငါ့ကိုချက်ချင်းပြောနော်"
ဉာဏ်ကစက်ဘီးနင်းနေရင်းနဲ့ပင် သူ့အားဟိုနေ့ကရည်းစားစာကိစ္စကိုရှာကျန်ရစ်နေသေးသည်။
"ဘာလို့လဲ"
"ငါမကြိုက်ဘူး!"
"နင်မကြိုက်ပေမယ့် ငါကြိုက်တယ်လေဉာဏ်ရဲ့ ကိုယ့်ကိုတန်ဖိုးထားလို့ပေးတဲ့စာကို ငါကသူစိမ်းတစ်ယောက်ကိုဘယ်လိုစိတ်နဲ့လက်ဆင့်ကမ်းပေးရမလဲ"
"ငါကသူစိမ်းဟုတ်လား မှူး..."
မှူးသူ့ကျောပြင်ကိုခေါင်းလေးမှီထားရာမှ ပြန်မတ်လိုက်သည်။
"မဟုတ်ဖူးလေ ဉာဏ်ရာ...ငါကစာအိတ်လေးကလှလေးလှ မွှေးလည်းမွှေးတဲ့အပြင်ရေးတဲ့လူရဲ့လက်ရေးလေးကပါ လှနေတော့ အမှတ်တရအဖြစ်သိမ်းထားချင်တာပေါ့။"
"ကျစ်!...အရေးမပါတာတွေ သိမ်းထားပြီး
ဘာလုပ်ဖို့လဲ"
"ငါ...ကလေးတွေရလာရင် မေမေကကျောင်းသူဘ၀မှာ ရည်းစားစာပေးခံရတာဆိုပြီး ပြောပြလို့ရတာပေါ့။"
VOCÊ ESTÁ LENDO
My step-mom's sister becomes my wife (Complete)
RomanceUnicode သံယောဇဉ်ကြီးတဲ့ငယ်သူငယ်ချင်းနှစ်ယောက်ကြား လက်မခံနိုင်တဲ့ အဖြစ်အပျက်တစ်ခုရောက်ရှိလာခဲ့သည်။ လက်မခံနိုင်မှုများစွာနဲ့ ကျောခိုင်းခဲ့မှုတို့ဟာအချိန်တစ်ခုထိရှိခဲ့သည်။ အဖြစ်အပျက်တွေကို အရွဲ့တိုက်လွန်းကာ ထင်ရာစိုင်းနေသည့် သူ့ကို လက်ထပ်ဖို့ သူမ ကိုယ...
