حبيبتي المجنونة 😜

😜24😜

إكثارك من الصلاة ⁧ ليلة الجمعة⁩ و ⁧ يوم الجمعة⁩ على نبيك وحبيبك رسول الهدى ﷺ:
‏ يُذهب عنك الهموم والغموم،
‏ويُطهرك من العيوب والذنوب،
‏ويُقرّبك منه مجلساً يوم القيامة،
‏فصلى الله وسلم عليه عدد ما ذكره الذاكرون،
‏وعدد ما غفل عن ذكره الغافلون.

#لأنك_الله ♥️

*****************
الساعة 5:50
ركب الجميع سيارة كبيرة ضمتهم جميعا
حذيفة : جويرية ، معاذ هيقابلكم ومعاه الباقي
جويرية : رغد وفاطمة ؟
حذيفة بابتسامة : وعمتك
زبير مقاطعا حديثهم : بس المفروض يكون معاهم حد عشان لو حد عرف مكانهم
ابتسم حذيفة : متقلقش ، معاهم معاذ ، ومُحمد ومصطفى
خديجة : أمال ياسين مش هيكون معانا
جويرية : لأ هيكون معاهم ، غير رأيه من شوية
حذيفة : طب يلا ، أنتِ اللي هتسوقي يا جويرية ، خدوا بالكم من نفسكم
جويرية بابتسامة : متقلقش ، إن شاء الله هنكون بخير
أسماء بابتسامة : زبير
زبير بنظرة مُطمأنة : متخافيش ، حلمك هيتحقق
عُمير بابتسامة ممازحة : متقلقيش يا مدام ، إحنا رجالة الشافعي ، مش أي حد يعني
ضحكت أروى : أما نشوف
عُمير بهمس لأروى : بت ، متضحكيش
أروى بابتسامة : ما أنا لابسة نقاب يا عُمير
عُمير بابتسامة : برضو ، يلا بقى استودعكم الله الذي لا تضيع ودائعه

ٱنطلقت سيارة الفتيات تقودها جويرية ، وٱنطلق خلفها صوت الشباب : استودعكم الله الذي لا تضيع ودائعه

ردت الفتيات : استودع الله دينكم وامانتكم وخواتيم عملكم
توارت السيارة عن الأنظار ، دخل حذيفة لمنزله ليحضر بعض الأشياء
بينما وقف عُمير و زبير يستمعان للخطة من سفيان
سفيان : بص يا أستاذ عُمير ، بما أن حضرتك ليك في الچيم وشكلك كنت متفوق في الجيش
قاطعه عُمير بضحك : أنا ، دا أنا مدخلش جيش ولا وردت على چمات قبل كدا ، عندك الأخ دا
كان يشير لزبير
نظر سفيان لزبير باستغراب ، لينفجر زبير وعُمير ضاحكين
زبير بابتسامة : العكس ، هوا يراقب وأنا معاكم
سفيان بضحك : هوا أنت قلت انكم توأم
زبير بابتسامة : اه ، بس سبحان الله
سفيان بضحك : فعلا ، إن شاء الله بعد أمّا نخلص أعرفكم على مُحمد ومصطفى ، زيكوا كدا ، وتوأم بردو
عُمير بابتسامة : نخلص بس الموضوع دا بخير
زبير : بإذن الله ، المهم دلوقتي ، الخطة هتكون ازاي
سفيان بجدية : كالآتي ، دلوقتي الآنسة خديجة ، اللي جت من شوية ، المفروض أنها جابت معاها ورق ودا الفخ اللي هنستدرج بيه الجماعة دول ، أي نعم هما عرفوا جزء من خطتنا وراحوا لها عشان ياخدوا الورق وعشان كدا كانت...
قاطعه عُمير : ممرغة بالدماء
زبير باستغراب : بس ايه الورق المهم دا اللي يخليهم يضحوا بأنهم يتكشفوا أو يتمسك عليهم دليل
سفيان بابتسامة عريضة : ورق هيوديعم ورا الشمس حرفيا ، المنظمة دي أكبر شويتين من اللي كانت مرات أخويا بتتعامل معاها ، بالظبط كانت جزء منها ، والجزء الأكبر كانت منظمة دولية
زبير : ما كل المنظمات أعملها غير قانونية ، ايه المميز في دول
سفيان : مين اللي ماسكين اقتصاد العالم
زبير : أمريكا
سفيان : المصيبة بقى إن اللي بيمولهم أمريكا بذات نفسها ، وكانت عندهم مهمة اغتيال رئيس أمريكا ، المشكلة بقى أنهم وافقوا ، وكمان نفذوا العملية بس فشلت ، والرئيس استعان بيهم عشان يوصل للحاولوا يقتلوه ، اللي هما هماهم
زبير : كدا فعلا هينتهوا للأبد
عُمير بابتسامة : دول هيموتوا واحد واحد
سفيان : شفتوا بقى أهمية الورق دا ، عشان كدا حاولوا يوصلوا له بأي طريقة
زبير : طب ما نودي الورق لل...
سفيان : دا اللي ياسين هيعملوا ، بس على ما يوصل ياسين للبيت الأبيض ، ويوصل الورق دا ، هما هيحاولوا يقتلوا مننا ، يخدوا رهائن ، يهددونا
جاء صوت حذيفة من المنزل : عشان كدا جهزنا البيت ليكون حصن
سفيان : يلا بينا يا شباب
دخل سفيان وتبعه زبير و عُمير
سفيان : فين الحاجة
حذيفة : ورا في البدروم ،نظر له سفيان باستفهام ، عشان أفرض بلغوا علينا
سفيان بابتسامة : حبيبي أنت معاك واسطة ، وبعدين إحنا كنا بنعمل ايه الفجر ، مش كنا بنرخص الأسلحة
حذيفة بضحك : أنا عقلى راح خالص ، نسيت
سفيان بمزاح : لأ نسيت ايه ، ركز كدا وصحصح
زبير بتسائل : صحيح يا أستاذ سفيان ، ازاي الآنسة خديجة وصلت للورق دا
حذيفة بمزاح : لا الآنسة طلع عندها وسطات ومعارف من كافة أنحاء العالم ، دي كانت مع العصابة دي من قبل ، فسهل توصل لحاجة
قاطع حديثهم صوت سيارة
خرج حذيفة : دا أكيد ياسين ، تعال معايا يا عُمير
سفيان لزبير : تعال إحنا نشوف الأسلحة
سفيان : دا نوعه 45A ، عدد طلاقاته
زبير بابتسامة : 6 طلقات ، مسدس بعيد المدى ، دقيق الهدف ينفع القناصين ، والأشخاص العاديين .
سفيان : أن....
زبير بابتسامة : عارف إن جسمي مش مساعد على كدا ، بس فعلا أنا بعرف أتعامل مع الحاجات دي
سفيان : معلش أنا بس
زبير : ولا يهمك يا أستاذ سفيان
سفيان بضحك : أستاذ ايه ، بلاش أستاذ دي دا أنا حتى أصغر منك والله
ضحك زبير : خلاص يا سفيان ، حلو كدا
سفيان بضحك : جدا ، وبعدين إحنا ناس ضهرنا في ضهر بعض ، مفيش بنا رسميات
أتى صوت حذيفة : سفيان ، هات الحاجة
سفيان : اختار مسدس ينفع ياسين ياخده معاه ، وأنا هجيب الورق
أختار زبير مسدس صغير الحجم ، وانتظر مجيئ سفيان ليعطيه إياه
سفيان : نعم الاختيار ، يلا بينا
وخرجا ليقابلا ياسين
ياسين : دا الحاجات اللي هوصلها
سفيان : ايوا ، ودي ورقها توريها ليهم في المطار عشان متتفتش ، ولا ياخدوا منك حاجة
ياسين : حاضر ، الطيارة نص ساعة وتطير ، الوقت...
قاطعه زبير : لأ خلاص الوقت مبقاش مهم قد السرعة ، هما عرفوا اللي إحنا نويين عليه ، وفقدنا عنصر المفاجأة للأسف
ياسين : شكل حضرتك دارس فنون الحرب
ضحك عُمير وسفيان
سفيان بضحك : أمال لما تعرف أنه بيعرف يقاتل ويضرب وحاجة آخر أكشن
زبير بابتسامة : يا جماعة خلاص ، أنا عارف إن شكلي لا يوحي بدا
سفيان : خلاص خلاص ، بس قولي إيه اللي هنعملوا
زبير بابتسامة : بدل المفاجأة ، السرعة ، السرعة هتخليهم مش فاهمين حاجة ، وعلى ما يستوعبوا هيكون الوقت خلص
ياسين بابتسامة : فعلا رأيك مظبوط ، بس دا لو احنا اللي هنهاجم ، مش هننتظر
كان زبير يستمع له بابتسامة واسعة
سفيان بإعجاب : لا متقولش ، إحنا اللي هنهاجم
زبير بابتسامة عريضة : بالظبط ، وبكدا يكون عندنا عنصرين مفاجأة جداد
عُمير بابتسامة : أخويا حبيبي ، مش قولت لكم
حذيفة : طب عنصرين ازاي
زبير بابتسامة : هنطلب قوة دعم ، حوالي 20 شخص ، وهجومنا عليهم كدا عنصرين
سفيان : بس مش 20 كتير
زبير بابتسامة : إحنا مش عايزين قوتهم قد العدد
عُمير : أنا مش فاهم
سفيان بابتسامة : والله وأنا يا بني مع إني المفروض ليا رتبتي وكدا يعني
زبير بضحكة خفيفة : لأ كدا محتاجين نرسم على الورق
ياسين بابتسامة : أنا هطير أنا ، في رعاية الله وحفظه
دخل زبير مع بقية الشباب ليشرح لهم الخطة
وبعد ساعة واحدة ، كان أصدقاء سفيان من الجيش أمام منزلهم ، ينتظرون في سيارتهم
ركب حذيفة و عُمير في سيارة واحدة
بينما سفيان في سيارة ، وزبير في أخرى
وانطلقت الثلاث سيارات لقصر ديمتري الذي يقبع في إحدى صحاري مصر