حبيبتي المجنونة 😜

😜10😜

عزيزةٌ دعواتُنا عندَ الله، عزيزةٌ وإن حفّنا العجز، وتصرمت بِنا الطرق وتفاقَمت قلةُ الحيلة، عزيزةٌ عند مَن يجيب المُضطر ويكشفُ السوء وينصرُ عبادهُ الموقنين 🍁

************
كانت الساعة حوالي الثامنة صباحا حين عادت أسماء وأروى للمنزل ، أصرت أروى أن تذهب لجامعتها ، أما أسماء فكانت تريد أن تبقى بعيدة عن زبير لبعض الوقت
ذهب زبير ومعه عُمير لعملهم ، وخرج جعفر لبعض أعماله ، أما هاجر فكانت نائمة ولا تدري بشئ هي وجعفر  ، صعدت أسماء لغرفتها ومعها هاتف شقيقتها الذي كانت قد نسته ، جلست على السرير بتثاقل تفكير بعمق
هل يمكن أن تلك الفتاة هي حبه الأول
_ولكن ما شأنك يا أسماء
-كيف ذلك أليس زوجي
_يبدو أنكِ أحببته
-هذا هو الظاهر للأسف
انقطع تفكيرها برنين هاتف أختها ، وجدت المتصل هي إيمان صديقة أروى
أسماء : السلام عليكم أمونة
إيمان بابتسامة : وعليكم السلام ، حمدالله على السلامه
أسماء : على ايه
إيمان بابتسامة : مش كنتِ مخطوفة يا بنتي
أسماء بابتسامة : اخص عليكي يا أمونة ، تعرفي عني كدا
إيمان بابتسامة : عندك حق ، أمال البت أروى فين
أسماء بقلق : ايه دا هي لسه موصلتش
إيمان : لأ مجتش
أسماء بقلق : بالله عليك اتأكدي يا إيمان ، هي مش ناقصة ، دي تعبانة
إيمان بابتسامة : خلاص متقلاقيش أهي جاية اهي ، كنت بتقولي تعبانة ، تعبانة مالها
أسماء بابتسامة : أعتقد إنها هتحكيلك هي
إيمان بابتسامة : طب خلاص ، يلا سلام عليكم
أتى صوت أروى : دي أسماء ، هاتيها
أعطت إيمان الهاتف لأروى : أسماء ، تخيلي قابلت مين
أسماء : مين
أروى بابتسامة سعيدة : جويرية ريان ، سلمت عليا وأنا من الزوق عزمتها
أسماء بعتاب : ليه ، أفرض إنها مش عايزة وأنتِ كدا بتجبريها
أروى بابتسامة عريضة : لأ يا روحي ، دا حتى كمان قالت أنها عايزة تتعرف علينا ، وهتجيب أصحابها كمان
أسماء بابتسامة : خلاص ماشي ، شوفي ايه الوقت اللي يناسبها واعزميها ، بس لازم نشوف طنط هاجر الأول ونستأذنها
أروى بابتسامة : ماشي ، يلا عشان المحاضرة هتبدأ
أغلقت أسماء الهاتف وتنهدت بعمق ، تفكر في ما يحدث حولها ، طُرق الباب ، سمحت أسماء للطارق بالدخول لتجدها السيدة هاجر
هاجر بابتسامة حنونة : ينفع أدخل
أسماء بابتسامة : طبعا اتفضلي يا طنط
تقدمت هاجر وجلست بجانبها على السرير : أنتوا كنتوا فين الصبح بدري كدا
أسماء : ايه دا أنتِ متعرفيش
هاجر بتسائل : معرفش ايه
أسماء بتوتر : بصي في البداية أنا وأروى آسفين ، أنا وهي طلعنا للعِلية في الدور التالت ، يمكن دي خصوصياتكم ، اللي متحبوش حد يعرفها ، بس مكنتش نعرف ، فجأة لقينا البيت فضي ، خد الخدم فقولنا نتجول و....
قاطعتها هاجر بابتسامة : أنا مش فاهمة أنتِ بتعتذري ليه يا حبيبتي ، عادي أي حد بيطلع فوق ، ذائد إن دا بيتك زي ما هو بيتي
أسماء بتوتر : أنا بصراحة مكنتش حسه إنك هتتدايقي أو تزعلي من كدا ، بس لما طلعنا وشوفنا الصناديق ، و بصراحة لما شوفت بتاع زبير ، وأروى كمان جالنا فضول لأزوجنا وكدا ، بعدين فهمنا إنه مكان خاص
هاجر بابتسامة : ايوا مكان خاص بالعيلة وانتوا خلاص بيقتوا من عائلتنا
أنزلت أسماء رأسها ، وأمسكت يديها تفرك أصابِعِهَا ، أدركت هاجر أنها تريد أن تسأل ولكنها مترددة
هاجر بابتسامة : اسألي اللي أنتِ عايزاه
أسماء بتلعثم وتردد : هوا يعني...كنت يعني...شوفت أنا وأروى صورة...لبنت مع زبير وأخوه
ضحكت هاجر  : قبل ما أقول أي حاجة ، أنتِ بتعتبريني زي أمك ولا لأ
أسماء بسرعة : زي أمي بالظبط
هاجر بابتسامة حنونة : خلاص ، تناديني ماما ، ولو الواد زبير زعلك تعالي ليا وأنا هعلقو ، ودلوقتي قوليلي ، أنتِ ايه مشاعرك ناحية زبير
أسماء بتوتر وتلعثم وخجل : بصي هوا ، امممممم....يعني زي ما تقولي كدا........بصي يا ماما أنا معرفش
هاجر بابتسامة عريضة : يا بت قولي غير كدا ، شكلك واقعة خالص
أومأت أسماء بخجل
هاجر بابتسامة : ربنا يسعدكم يا حبيبتي ، وبالنسبة للي في الصورة فادي بنتي الصغيرة ، كنا بنزورها امبارح
أسماء باستغراب : وهي ليه مش ساكنة هنا ، ولا هي متجوزة
هاجر بابتسامة حزينة : راحت للرفيق الأعلى
أسماء بحزن : الله يرحمها ، طب ليه مقلتولناش
هاجر بابتسامة : زبير قالي على اللي حصلك ، وموضوع خطفك وأهلك ، فامحبتش أقطع راحتك ، وكمان كان عندك ضيفة
ضمتها أسماء بحب وحنو : أكيد هي في الدرجات العُليا
هاجر بابتسامة : أنا متأكدة ، دي كانت طفلة 8 سنين
أبتعدت أسماء باستغراب ودهشة : نعم ، 8 سنين ايه ، أنتِ تقصدي واحدة تانية
هاجر بضحك : وتقوليلي مش عارفة ، باين عليكِ الغيرة خالص
تنحنحت أسماء
هاجر بابتسامة : لأ يا حبيبتي ، بنتي كانت تبان أكبر من سنها ، وكان جسمها مليان شوية
أسماء بابتسامة وهمس : الحمدلله ، طلعت أخته
هاجر بضحك : أسماء حبيبتي ، أنتِ مقفوشة اوي
أسماء بابتسامة مشاكسة : متقلقيش حاجة
هاجر بابتسامة : ماشي ، بس تعالي معايا في المطبخ ولا ملكيش فيه
نهضت أسماء بحماس : دا أنا هبهرك