مجنونة الحب 😜

😜22😜

*‏مرضك الذي لا يعلمه إلا الله اجعل له صدقةً خفيَّة ، والهمُّ الذي يدكّ صدرك اجعل له استغفاراً خفيّاً ، والمخاوف التي تغشاك اجعل لها ركعتين لله في الخفاء ، وكل ابتلاء أصابك في الخفاء قابله بعبادةٍ في الخفاء فالله قريبٌ من أولئك المُتضرعين له في الخفاء 🖤.*

***************
زبير باستغراب : وقت ايه
التفتت أسماء لتستند بجزعها على سور الشرفة : عارف أنا حلمت حلم جميل اوي ، جميل لدرجة لا توصف
أقترب منها زبير ، ليحاوطها بيديها : قولي
نظرت له أسماء بابتسامة عريضة : أكيد هقولك يعني ، حلمت إني راكبة على جمل وأمامي شخص مش عارفاه ، ويتكلم مع الجمل
زبير بابتسامة : بتتكلمي مع الجمل ؟
أسماء بضحكة خفيفة : ايوا ، ومش عارفه ازاي ، المهم الجمل عرفني إني في وقت هجرة الرسول من مكة المدينة ، وقت استقبال الأنصار للنبي صلى الله عليه وسلم
زبير بانصات : اممم ، وبعدين
أسماء بابتسامة ودموع طفيفة : بعد كدا أوينا لصخرة ، والراجل دا قعد أمامي على الصخرة ، وتخيل طلع مين
زبير : مش عارف ، حد من الصحابة ؟
أسماء بدموع فرِحة : لأ ، كان الرسول نفسه
زبير بابتسامة عريضة : ما شاء الله ، شفتي النبي يا أسماء
أسماء بابتسامة ودموع طفيفة : ايوا ، شفته ، قالي مزعلش ، لأن النصر قادم
ضمها زبير لصدره بقوة : ايه الجمال دا ، شوفتي بقى بطلي عياط وزعل
أسماء بمزاح : لأ أبطل ايه ، دا كل يوم لو هشوف النبي صلى الله عليه وسلم
زبير بابتسامة : ماشي ، الجو برد تعالي نخش
أسماء : لأ ، عايزة أفض....
قاطعها زبير بأن حملها ودخل للغرفة بها : مفيش نقاش ، عايزة يجيلك برد وأنت اصلا بايظة
تعلقت أسماء برقبته وقالت بمزاح : ما أنت بتعرف تشلني أهو ، أمال مشلتنيش ليه يوم الفرح
ضحك زبير : محدش طلب مني حاجة
أسماء بغيظ : دي بتبقى حاجات نابعة من جواك ، مش ينفع تتطلب
ضحك زبير : خلاص يا ستي ، حقك عليا
أسماء بضحكة : ايوا كدا ، أعتذر من الأول بلاش جدال معايا
زبير بمزاح : ماشي يا سيدة أسماء
ضحكت أسماء : طب خلاص نزلني بقى
زبير : ليه
أسماء بابتسامة : راحة أشوف رزقي
لم يفهم زبير ما ترمي إليه : مش فاهم
أسماء بابتسامة مشاكسة : راحة أكل يا عالم
زبير بضحكة خفيفة : ماشي يا أسماء ، روحي ، بس بلاش تزوديها
أسماء : على فكرة أنا واحدة حامل ، وحرة أكل كل اللي أحبه
ضحك عليها زبير ، لتغادر للأسفل ، ويظل هو يفكر ، ماذا كانت تريد أن تخبره
نزل لها ليسألها ، و يساعدها إن احتاجت لشئ
كانت أسماء تقف في المطبخ تعد بعض الأطباق الجانبية لتتسلى بها ، حينها أتتها مكالمة جماعية بينها وبين خديجة (ك) و بين جويرية
أسماء : السلام عليكم ، عملتوا اللي قلت عليه
جويرية بابتسامة : كل تمام ، كمان حفصة وخديجة ظبطوا الدنيا جدا
خديجة(ك) : كذلك أنا ، ناقص بس آخر حاجة ، وكل حاجة تخلص خالص
أسماء بثقة : خلى آخر حاجة دي علىَّ
جويرية : طب قولتي لزبير حاجة
أسماء : مينفعش أقول له حاجة دلوقتي ، بس هقول له النهاردة
خديجة (ك) : ايوا كدا ، عشان متتخنقوش بعدين
أسماء بابتسامة : لأ إن شاء الله مفيش أي مشاكل
جويرية بابتسامة : بإذن الله ، الحمدلله حذيفة فهم الأمر ، وكمان سفيان هوا اللي مجهز معانا الحاجة ونص الخطة
أسماء : خلاص ، على الساعة 8 بالدقيقة ، خليوها 8 الصبح ، و 7:30 نكون مختفين
خديجة(ك) : تمام
أغلقت أسماء الهاتف لتجد زبير خلفها ، شهقت بفزع ، بتعمل ايه هنا
زبير بغموض : ايه اللي مش هتقولي ليا عليه
أسماء : أنا قلت لك إني في الوقت المناسب هقول لك كل حاجة ، وأديه جه ، بس قبل أما أقول أوعدني إنك مش هتدمر خطي ولا ايه حاجة
زبير باستسلام : طلاما مش حرام ومش خطر ، أوعدك ، بس قولي
أسماء بابتسامة حزينة : تعالي نطلع الأول
صعدت وتركت الاطباق خلفها ، فذهب زبير وحملها ، ليصعد خلفها
زبير : كلي الأول
أسماء باستغراب : أنت مش عايز تعرف
زبير بابتسامة : لأ ، بس لما تحكي مش هيجيلك نفس تكلي ، فكلي الأول ونفسك مفتوحة
أسماء بدموع تأثر : أنا عملت ايه علشان استحقك
زبير بمزاح : بلاش أڤورة ، وكلي
ضحكت أسماء وتناولت طعامها وهي تحمد ربها على زوجها الصالح المحب لها