ليان و نازلى اتصدموا وبصوا لبعض وقبل ما حد فيهم يتكلم سمعوا صوت ساندى من وراهم :تؤتؤتؤتؤتؤتؤتؤتؤ يا حرام ، من كام يوم تحرق المطعم و النهاردة تهديهم مطعمك!!
ليان استغربت و قالت: يحرق المطعم؟!
ساندى بتأكيد وخبث : اه يا حبيبتى هو اللى ولع فى المطعم.ليان مصدقتش كلامها و قامت من مكانها و قالت بزعيق : انتى واحدة كدابة، انتى مين اصلا و تعرفى فريد منين؟
ساندى بدلع و هى بتحط ايدها على كتف فريد: انا خطيبته.
ليان انصدمت و مقدرتش ترد ، و افتكرت إن فريد قالها أنو فسخ خطوبته بس كمان هو قال إنه متعلق بخطيبته، عيونها دمعت و حست بوجع فى قلبها مش عارفة سببه ايه، مصدقتش موضوع المطعم بس صدقت انها فعلا خطيبته، هى مين يعنى عشان يعرفها إذا كان هيرجع لخطيبته.
نازلى قربت من ليان ، لأنها عارفة انها بتحب فريد بس بتكابر، هى كمان مهتمتش بالمطعم و كان كل اللى شاغلها هى ليان و شعورها دلوقت و هى شايفة اللى بتحبه مع واحدة تانية، مسكت أيدها عشان تطمنها إنها معاها
ليان بصت لفريد بصدمة و عيونها دمعت و قالت بخفوت: خطيبته؟!!!ساندى بخبث: ايو خطيبته ،انتى بقى ليان السكرتيرة.
قالت جملتها الأخيرة باستخفاف ف فريد شال أيدها و وقف بهدوء و قال : امشى من هنا.
ساندى قربت منه اكتر و مسكت دراعه و قالت: أهدى يا بيبى انا بس بعرف البتاعة دى مكانتها مش أكتر
فريد شال أيدها بقرف مخلوط بعصبية و قال: بقولك إلزمى حدودك و امشى من هنا حالاً
ليان بصتله و قالت : الكلام اللى هى بتقوله دا بجد؟؟
فريد : ليان اسمعينى هفهمك كل حاجة.
بيطلب منها تفهمه؟!! يعنى هو بجد عمل كدا وساندى مش بتكدب؟!!، ابتسمت بسخرية مخلوطة بوجع و قالت: انت واحد زبالة و انانى، مكنش لازم اصدقك من الأول مش عايزة اشوف وشك تانى.فى مشفى المصرى
بدأت تفوق و بتتخيل مشاهد مش واضحة بس اتردد فى ودنها صوت بيقول ( أميرتى لازم يكون عندها تاج) ، و فى ضحك بيتردد فى ودانها بس مش فاكرة حاجة و بدأت تردد هى اسم رائد و هى بتحرك دماغها حركة عشوائية .
خالد رفض أنه يمشى و يسيبهم غير لما يطمن على عليا، كان قاعد جنب إيلدا بيشربوا قهوة و بياكلوا، من الصبح و هما فى المشفى و إيلدا رفضت ترجع البيت ترتاح شوية، اول ما سمعوا همس عليا قاموا الاتنين من مكانهم و اتحركوا عندها بسرعة و إيلدا كانت بتمسح على شعرها بحب و بتقول: نحن هنا يا أميرتى، ستكونين بخير
عليا كانت فى وادى تانى خالص مش سامعهم هى بس بتردد اسم رائد و ما زالت تحت تأثير البينج.خالد و إيلدا بصوا لبعض و إيلدا قالت بشك: ترى هل تذكرت ؟؟
خالد: لا اعتقد ذلك
إيلدا: إذن لماذا تردد اسم رائد و هى لا تعرفه
خالد: لا أعرف، و لكنها أيضا نطقت بإسمه قبل أن تفقد الوعى
إيلدا: أجل معك حق
خالد: سيذهب أثر المخضر الآن و بعد أن نطمئن عليها، يمكننا سؤالها عن هذا الأمر.
أنت تقرأ
الإعصار ( عشق بلا حدود )
Romanceمش بيؤمن بالحب وقافل قلبه تمامًا بسبب تجربته اللى شايف انها فشلت، هى بردو قفلت قلبها بس بتؤمن بالحب بس شايفة ان مش كل الناس هتلاقى الحب هيتقابلوا صدفة هيحاول يستغلها عشان نقطة ضعفه الوحيدة فى حياته بس هتعلمه ازاى يحب لما هى تتعلم الحب على إيده.