#Unicode
Jungkook ရုံးခန်းကိုသုံးယောက်စလုံးအပြေးအလွှားဝင်လာကြသည်။
ဒီကောင်တွေ အလုပ်မသွားကြဘူးလားမသိ။
"နေကြပါအုံး ကိုယ့်ဆိုင်ရာပိုင်ရာအလုပ်ကိုမသွားကြဘူးလား မင်းတို့တွေတော့"
"ဟေ့ကောင် အဲ့ဆိုင်ရာပိုင်ရာတွေကထွက်မပြေးဘူးကွ မင်းဆိုင်ရာပိုင်ရာက
ထွက်ပြေးတော့မှာ"
Jungkookမှာလဲ ဆိုင်ရာပိုင်ရာလို့ပြောလိုက်တာနဲ့အကို့ကိုသာ ပြေးမြင်မိ၊တွေးမိနဲ့။လုပ်လက်စအလုပ်တွေရပ်ပြီးတာနဲ့ သူငယ်ချင်းတွေထိုင်နေတဲ့ဆိုဖာရှိရာထလာရတော့သည်။
"ဒီကောင် တော်တော်အဖြစ်သည်းနေတာ ငါတို့ဝင်လာတုန်းကတော့တစ်ချက်ပဲကြည့်ပြီး သူ့အကိုအကြောင်းပါလာတာနဲ့တအားတွေနော်..."
ဟန်ဝူးကသူ့ကိုစနောက်နေပြီး
ဂျေဟွာကပါထောက်ခံလာသည်။
သို့ပေမယ့် ဟွမ်ကတော့ရောက်လာထဲက မျက်နှာမသာမယာနဲ့ငြိမ်နေတာကိုJungkookသတိထားမိ၏။
"ဂျေဟွာ မင်းပြောနေတာ ငါနားမလည်ဘူး ရှင်းအောင်ပြော"
ဂျေဟွာက မီရာပြောသွားတဲ့စကားကိုသူ့အားပြန်ပြောပြလာသည်။ဟန်ဝူးကတော့ မျက်နှာပျက်နေတဲ့ ဟွမ်ကိုကြည့်ပြီး ရယ်နေတော့တာ။နောက်ဆုံးတော့ ဒီမရေမရာ မသေချာတဲ့စကားကိုကြားသွားပြီးတော့ သူ့သူငယ်ချင်းတွေက ကုမ္ပဏီတန်းမသွားနိုင်ကြဘဲ အပြေးအလွှားရောက်လာကြခြင်းပေါ့။
"ဘာများလဲလို့ကွာ မဟုတ်တာတွေ
အကို့မှာချစ်သူမရှိဘူး ဟွမ် မင်းမျက်နှာပြင်ထားစမ်းပါ အဲ့ကောင်မလေးသပ်သပ်ပြောသွားတာ"
"မင်းက မဟုတ်ဘူးဆိုတာဘယ်လိုသိတာလဲ"
ဟွမ်က လက်မခံချင်းသေးပဲသူ့ကိုစကားပြန်ပြောလာသည်။တစ်ခါမှအတည်မခံစားဖူးတဲ့ သူငယ်ချင်းက
အပီအပြင်ကြေကွဲနေတော့ သူတို့ပါနည်းနည်းရှိန်သွားရသည်။ဟွမ်က မီရာကိုအရမ်းသဘောကျနေတာပေါ့။ငါတို့သူငယ်ချင်းနှစ်ယောက်ကတော့ သူတို့သူငယ်ချင်းနှစ်ယောက်နဲ့က ရေစက်တွေပဲလို့သာ စိတ်ထဲတွေးနေမိတော့တဲ့Jungkookရဲ့အဖြစ်။
"အကို့မှာချစ်သူရှိရင် ငါနမ်းတာခံမလားကွ ပြီးတော့အဲ့ကောင်မလေးက
သူ့သူငယ်ချင်းလို့ငါ့ကိုပြောပြဖူးတယ်"
