#جنة_وهدان
الحلقة الحادية عشر
................
🌺بسم الله والصلاة والسلام على رسول الله🌺
الغيرة خطر يهدد العلاقة فان أتاك كلام على لسان شخص تعرفه فتبينة ولكن إن رأيت بعينك ما لم يعجبك فلا تنسحب بل أكمل المشهد كاملا أو حتى أترك المجال للطرف الآخر بالتفسير فليس كل ما نسمعه أو نراه صحيحا.
وردة والدموع تنساب من عينيها... مش كفاية أنك ابن ليل ورضيت وصبرت يمكن ربنا يهديك لكن كمان طلعت كداب وخاين ، لا لا يستحيل أعيش معاك بعد إكده .
ثم أسرعت لترتدي ملابسها ،لتغادر المنزل مقهورة مما فعله وهدان .
وعندما خرجت من المنزل لتغادر تفاجأت بـ وهدان يدفعها عنه عنوة ويهدر في وجهها بصوت عالي...إيه اللي هتعمليه ده ؟
أنتِ اتچننتي ، معندكيش خشا ولا حيا .
افرضي مرتي شفتك عتچول إيه عليا ؟
جميلة ...معلش كان غصب عني من صوت الرصاص ، ملچتش غير صدرك أتحامى فيه .
ثم همست بمكر ...ويعني عادي لما تشوفنا ، أنت خابر زين إني عحبك من زمان چوي چوي يا وهدان .
وتمنيت اللحظة دي من زمان ، متعرفش كيف اتوحشتك چوي چوي .
انفعل وهدان قائلا بنزق...يا ستي ارحميني بچا .
أنا ياما چولتلك إني معحبكيش ، وعمري مضحكت عليكِ بأيّ كلمة وكنت ععتبرك أختي بس مش أكتر من إكده .
لكن أنا عحب مرتي وردة وعمري معحب غيرها واصل .
تهللت أسارير وردة واختلطت دموع الحزن بالفرح بعد أن تأكدت من حب وإخلاص وهدان لها .
فآثرت العودة إلى غرفتها لنتنظره وكأنها لم ترى أو تسمع شيئا .
طأطأت جميلة رأسها بإنكسار مرددة بخفوت ...ماشي
يا وهدان ، أنا اللي عحبك بس ،وعشان عحبك چيت أحذرك من يونس .
اتسعت عيني وهدان قائلا بإستفهام ...ماله يونس ؟
وأنتم أصلا طلعتم من السجن امتى ؟
جميلة...احنا مطلعناش ، إحنا هربنا وادلينا الچبل زي زمان ، فاكر يا وهدان .
كانت أحلى أيام وأنت وسطينا ومجمعنا .
كنت عحس بالأمان وأنت موجود ، ولو كنت موجود ساعة ما الحكومة طبت علينا ، كنت عرفت كيف تردهم ومكنش حوصل اللي حوصل .
وهدان ...معلش النصيب ، بس ماله يونس عايز يعمل إيه ؟
منا خابره طول عمره يحب المشاكل ومش بيطچني ولا أنا بطيچه ، بس چولت خلاص خلصنا وكل واحد راح لحاله .
فعايز مني إيه دلوك تاني ، بعد ما بعدت عنه .
جميلة ...عيغير منك أكمنك طلعت ابن العمدة وعتعيش
في العز والهنا وكومان مفيش عليك دليل أنك كنت معانا عشان تتحبس زي متحبسنا .
وعشان إكده عايز يطوخك ساعة فرح أختك هيام والكل متلهي ومحدش واخد باله .
قبض وهدان بغضب على يده وثار في وجهها ...أخوكِ برده مش عايز يچبها لبر ، مش خابر أنا عملت إيه فيه ؟
عشان يعمل إكده ؟
بس أنا سكتله كتير چوي ،وخلاص چه الأوان اللي هرده فيه .
