#جنة_وهدان
الحلقة السادسة والعشرون
..........
🌹 بسم الله والصلاة والسلام على رسول الله 🌹
وَعَنْ أَبي هُرَيْرةَ قَالَ: قَالَ رسولُ اللَّهِ ﷺ: مَا يَزَال الْبَلاءُ بِالْمُؤْمِنِ وَالْمؤمِنَةِ في نَفْسِهِ وَولَدِهِ ومَالِهِ حَتَّى يَلْقَى اللَّه تَعَالَى وَمَا عَلَيْهِ خَطِيئَةٌ رواه التِّرْمِذيُّ
مرت شهور شهور الحمل لـ قمر على ما يرام وحدد لها الطبيب موعد الولادة حسام ...ياااه أخيرا اتحدد اليوم
يا قمري، وتاني يوم الولادة هكتب عليكِ ونروح على بيتنا على طول عشان نربي ابننا سوا .
فابتسمت قمر قائلة بمداعبة...لاااا كده على طول .
أنا نفسي ألبس الفستان الأبيض وأحس أني عروسة بجد وأعمل فرح .
أنا اتحرمت أول مرة بغبائي من الفرحة دي ومش عايزة أكررها تاني .
حسام مبتسما ...بس كده غالي والطلب رخيص ، أحلى فرح هعمله ليكِ يا قمري ولو كنت أنا صبرت كتير وكنت عايز نكتب الكتاب على طول .
قمر ...عادي نكتب الكتاب بس أفضل هنا في الفيلا ولما أتم نفاسي وأقدر أقف على رجلي نعمل الفرح .
حسام ... بدال كده ،خلاص موافق يا قمري .
قمر ...ربي يخليك ليا .
ودلوك أتصل بوهدان أخوي عشان يحضر نفسه ويچي يحضر الولادة.
فالتقطت الهاتف بالفعل وقامت بالإتصال به
ألووو...كيفك يا خوي.
وهدان ...قمر الغالية بزيادة.
أنا بخير الحمد لله ،كيفك أنتِ؟
قمر ...زينة يا أخوي وخلاص يومين وهولد وعايزاك تكون چمبي يا أخوي .
تنهد وهدان بغصة مريرة قائلا ... آه طبعا لازمن أكون موچود ،متچلچيش .
قمر ...إن شاءالله يخليك .
وعندما أغلق وهدان معها، قال بحزن شديد ...أهو چه اليوم اللي كنت خايف منيه .
يستحيل يعيش الواد ده ؟ ويفكرني باللي عملته في أسامة ، وهي بردك هتفضل فاكرة اللي حوصل ، فعلى إيه ، يروح ويچي غيره من الدكتور حسام أحسن .
ثم عزم الأمر على السفر وترتيب الأمر كيفما يريد .
....
قابل وهدان حسام في المستشفى.
وهدان ....كنت عايز أتكلم معاك في موضوع أكده على انفراد .
حسام ...أوي أوي اتفضل في الإستراحة برا.
ازدرد وهدان ريقه بغصة مريرة قبل أن يحدثه ...بص
يا دكتور حسام عشان تاخد بالك من الكلام اللي عتچوله لقمر كويس لما تسأل عن ابنها لما يتولد .
اتسعت عيني حسام بدهشة قائلا ... مش فاهم وكلام إيه ؟
وهدان ببعض التردد ...عنچول لقمر بعد متولد أن ابنها مات .
عشان أنا مش عايز أي حاچة تفكرها بموضوع أسامة ده نهائي ولا حتى ابنه وكمان عشان تعيش حياتك براحتك معاها .
