#جنة_وهدان
الحلقة السابعة
...................
🌹بسم الله والصلاة والسلام على رسول الله 🌹
لا يتواضع إلا الكبير ولا يتكبر إلا حقير ولا تقاس العقول بالأعمار ولا بالأموال فكم من صغير عقله بارع وكم من كبير عقله فارغ وكم من غني قلبه أسود وكم من فقير قلبه أبيض فكن كالمطر أينما وقع نفع.
غلب الشوق تالين وبعد أن قررت عدم الذهبب إلى زين حتى لا يحرجها مرة أخرى الدكتور فواز ولكن الشوق قادها إليه مرة أخرى وربما كانت جندا من جنود السماء لننقذه للمرة الثانية من الموت .
فخطت خطواتها الخفيفة إليه وهي تلتفت يمينا ويسارا لتتأكد أن فواز لم يرها ، ثم ابتسمت ودق قلبها بشدة وولجت إليه لتتفاجأ بسعفان يحمل حقنة بيده ويستعد لحقن زين بها وهو نائم لا يشعر بوجوده .
فتعجبت من وجوده ، لإنه ليس مختص برعاية حالات العناية الفائقة .
فهدرت به بقولها....سعفان بتعمل إيه عندك ؟
فارتبك سعفان وأخفى الحقنة بين طيات ملابسه و أردف بخوف....مفيش ،أناااااا كنت آه بطمن عليه ، دكتور المسؤول عنه ، قال روح شوف أخباره وطمني عشان هو مشغول شوية .
تالين بنظرة ريبة ...ويبعتك أنت ليه ؟
مفيه ممرضي العناية ؟
شعر سعفان أنها لم تصدقه فأراد الخروج من هذا المأزق بقوله ...طيب بعد إذنك عشان ورايا مشغوليات .
فشكت تالين في أمره فأوقفت بقولها...استنى عندك أنا هبلغ الإدارة ، أنت شكلك كنت عايز تموته ولا إيه ؟
معقول يا سعفان تكون تبع الناس اللي كانوا عايزين يموتوه أول مرة .
بس أنت إيه دخلك بيهم وتعرفهم منين ؟؟
سعفان بتلعثم ...اناااااا لااااا
معرفش حد ، ثم حاول الهروب من أمامها فأمسكت بقميصه فدفعها في الأرض فسقطت صارخة فاستيقظ زين على إثر صوتها .
ففزع عندما نظر إليها ...تالين ، حوصل إيه ؟
أنتِ كويسة .
چولي بسرعة ، أرچوكِ متچلچنيش عليكِ.
حاولت تالين الوقوف فاستندت على الحائط بصعوبة ، ثم وقفت ونظرت لعينيه التي يشوبها القلق عليها، فابتسمت محدثة نفسها ....إيه يا عم الصعيدي أنت ، ما أنت بتعرف تقلق زينا ، أمال منشفها ليه من ساعة مشوفتك .
تالين ...أنا كويسة متقلقش ، بس أنت لازم تسيب المستشفى دي بسرعة يا زين ولازم تبلغ على الناس اللي حاولوا يقتلوك .
زين ...لاااا أنا عهرف آخد بتاري كويس .
تالين ...يا أخي اتهلي ، ده أنا لو مكنتش جيت في الوقت المناسب كنت زمانك دلوقتي في المشرحة،بعد مكان سعفان هيخلص عليك .
أنت تعرفه يا زين ؟ ده أكيد ليه علاقة بالناس إياها؟ .
زين ...لا معرفهوش ، بس يعني أكيد راچل من رچالتهم .
ثم نظر لها زين نظرة مطولة فخجلت وافترشت بنظرها الأرض .
زين بتهكم...إيه ده طلعتي عتتكسفي كيف الحريم .
