#جنة_وهدان
الحلقة الثانية والعشرون
............................
🌹 بسم الله والصلاة والسلام على رسول الله 🌹
عن سعد بن أبي وقاص – رضي الله عنه – أنه قال: (قلتُ يا رسولَ اللهِ أيُّ النَّاسِ أشدُّ بلاءً قالَ الأَنبياءُ ثمَّ الأَمثلُ فالأَمثلُ ؛ يُبتلَى الرَّجلُ علَى حسَبِ دينِهِ ، فإن كانَ في دينِهِ صلبًا اشتدَّ بلاؤُهُ، وإن كانَ في دينِهِ رقَّةٌ ابتليَ علَى قدرِ دينِهِ، فما يبرحُ البلاءُ بالعبدِ حتَّى يترُكَهُ يمشي علَى الأرضِ وما علَيهِ خطيئةٌ.) رواه المنذري
رددت جميلة بحزن ...كان نفسي تچعد معايا شوية نتحدت حتى يا وهدان ، عشان أنا بتوحشك كتير چوي .
وقع كلمات جميلة على أذني وهدان بالسحر وكأنه اول مرة يستمع لها .
فدقق النظر إليها وابتسم قائلا ...چولي تاني إكده عايزة إيه يا چمر أنتِ؟
بس إيه الحلاوة دي يا بت ، أنا إزاي مكنتش واخد بالي منيكِ چبل إكده !
فضحكت چميلة بصوت عالي وحدثت نفسها ...بركاتك
يا شيخ ربيع .
ثم قالت بدلال ...عشان نظرك ضعيف .
أنا طول عمري حلوة يعني اسم على مسمى جميلة وأنا جميلة .
فحاوطها وهدان بذراعيه قائلا...تصوري آه ، بس من النهاردة عبحلق في الجمال ده .
ثم تفاجأت به يحملها ، فرنت ضحكاتها في أرجاء المنزل
حتى سمعتها بهية فحركت شفتيها ...يخيبك يا بت يا چميلة هي خلاص السنارة غمزت ولا إيه ؟
آه من الرچالة دول ، بيقعوا إكده على طول .
بس مش خابرة ليه چلبي مش مطمن ،ده أنا شوفتها بدري بعينيه التنين خارجة الصبح هتتلفت وهي دمعتها على خدها .
ولما رچعت چت مبسوطة ،أقطع دراعي من لغوله ، دي أكيد عملاله عمل .
ده مكنش بيطيچ يبص في خلچتها وعيحب ست وردة چوي وصراحة الفرق بنتهم زي السما والأرض .
حاوطت جميلة عنق وهدان ودفنت رأسها على عنقه لتنعم بدفئه .
وهدان ...إيه النار اللي عتكلني دي ، ثم وضعها برفق على الفراش .
جميلة ...يوه مش چولت وراك مشوار دلوك .
وهدان ...مش وچته ، أنتِ أهم من كل حاچة يا چشطة بعسل أنتِ.
ازدادت ضحكات جميلة وبهية واقفة تتنصت عليها،
حتى خرجت وردة من غرفتها فوجدتها على هيئتها تلك فتعجبت، وهتفت فى وجهها ...مالك واچفة إكده يا بهية ، چدام الچوضة ؟؟
انتفضت بهية ونفخت في ملابسها قائلة ...خضتيني يا ست وردة .
ثم اشارات لها بيديها مردفة ...أسكتي أسكتي ، واسمعي إكده جميلة عمالة تضحك وتتسامر مع وهدان بيه .
