#جنة_وهدان
الحلقة السادسة عشر
...........
🌹 بسم الله والصلاة والسلام على رسول الله 🌹
وقال ﷺ: " من أراد أن يعلم ما له عند الله فلينظر ما لله عنده"
تفاجأ يونس بنفاذ الأعيرة النارية عندما قام بإطلاق النار على الباب .
يونس بصدمة ...يا حظك الأسود يا يونس !!
ضحك وهدان بسخرية عندما فهم ما حدث .
ووقف أمامه بطلته الرجولية المهيبة .
فتخشب جسد يونس أمامه رعبا .
وهدان بصرامة وسخرية ...مالك إكده واقف مش على بعضك ، أقف عدل .
مش عامل فيها راچل من زمان ،وعتتحدى وهدان .
أني مش خابر عملت فيك إيه ؟ عشان تعمل فيه إكده ؟
ده إحا كنا عناكل في طبچ واحد زمان .
ليه إكده هتكرهني ؟؟
أني عمري ما أذيتك في حاچة واصل إلا لو أنت بديت وكنت أدافع عن نفسي .
يونس بجحود وكره ...أيوه أني عكرهك .
عشان الكل عيحبك ومفيش على لسانهم غير وهدان وبس ، وهدان عمل وسوى وهدان چاب ، وأني نكرة مليش مكان
في چلوبهم .
وأنت ليك الحظ كله ، وكمان اتچوزت اللي عتحبها وأنا محبتنيش اللي عحبها وهتستعر مني وعتكرهني ومچدرتش عليها واصل .
وكمان أروح أني السچن وأتبهدل وأنت تطلع ابن العمدة وتعيش وتتهنى وأني أتچهر زيادة .
فكان لازم أنتچم منيك وآخد أختك غصب وأخلص عليك وأشفي غليلي منيك يا وهدان .
وهدان ضيق عينيه قائلا بحزن ...يااااه ده أنت معبي مني چوي چوي ،طيب وأني ذنبي إيه في ده كله .
اني اللي فرضت عليهم يحبوني ولا خليت مرتي تحبني غصبا عنها والنصيب اللي مخلنيش أدخل السچن معاكم ومكتوبلي أني أكون ابن العمدة كلها حچات بتاعة ربنا مليش فيه ، فليه عتحاسبني عليها يا يونس ؟
يونس ...مليش فيه ودلوك برده مش هسيبك وهم أن يفتك به ولكن وهدان أمسك بذراعه بقوة ولفها حول ظهره ولف وهدان يده الأخرى على عنقه حتى كاد يونس أن يختنق .
يونس ...إچتلني يا وهدان عشان أستريح .
وهدان ...لا مش هچتلك إكده مرة واحدة لازم أعذبك زي معذبتني وأشوفك عتموت بالبطيء چدامي، وآخد بتار أبوي وأمي .
حاول يونس التملص من يدي وهدان بقدر الإمكان حتى أنه دفعه بقدمه ، فتراجع وهدان للحظة .
ثم حاول يونس تسديد بعض اللكمات له ولكنه تصداها.
دار يونس حوله بعينيه ليجد أي شيء ينقذه من براثن وهدان ، فوجد عصا التقطها سريعا واندفع بها نحو وهدان الذي بقوته إلتقط بيديه طرفها بقوة وجذبها إليه بشدة .
