ငါ့တပည့်လေးက ငါ့ကို ကြိတ်ချစ်နေတယ် (Complete-BL)

Prologue

Prologue

         တျန်ယွမ် (Dan Yuan) ကုန်းမြင့် တိုက်ကြီးအတွင်း၌ နိုင်ငံငယ် များစွာ ရှိသည်။ နိုင်ငံအတွင်းမှ နေထိုင်သူတို့၏ အဆင့်အတန်းနှင့် ကျင့်ကြံခြင်းအဆင့်၊ စီးပွားရေးတို့ကို ကြည့်၍ နိုင်ငံများကို အဆင့်သက်မှတ် ခွဲခြားထား၏။

      အဆင့်ငါး နိုင်ငံတစ်ခုဖြစ်သော ဖှုန်းဆွေ(feng shu) မြို့တွင် ပင်မကလန်ကြီး နှစ်ခုရှိပြီး ယင်းကလန် နှစ်ခုမှာ ဇောင်ကလန် နှင့် ရန် ကလန်တို့ပင် ဖြစ်သည်။ ကလန်နှစ်ခုစလုံးက ရိုးရာပညာရပ်ဖြစ်သည့် ဖှုန်းဆွေ (Feng Shu) ပညာရပ်ကိုသာ လေ့လာသင်ယူကြပြီး အသက်မွေးဝမ်းကြောင်း ပြုကြ၏။ ဇောင်ဖန်ရှင်း ( Zǎo fáng xìng) သူက ဇောင်ကလန် ဇောင်မိသားစု၏ ဒုတိယမျိုးဆက်မှ မွေးဖွားလာသည့် ကောင်လေးတစ်ယောက်။ မိသားစုက ရိုးရာပညာရပ်ကိုသာ လေ့လာ ဆည်းပူးကြပေမယ့် သူကတော့ ငယ်စဥ်ကတည်းက အင်မော်တယ် တစ်ယောက် ဖြစ်ဖို့ကိုသာ အထူး စိတ်ပါ ဝင်စားခဲ့သည်။

                      **********

        တျန်ယွမ် (Dan Yuan) တိုက်ကြီး အတွင်း သင်ကြားရေး ကျောင်းတော် များထဲမှ ကျောင်းတစ်ကျောင်း ဖြစ်သည့် ရှန့်ရှောင်း (Xian Xiao) ကျောင်းတော်သည် ထိပ်တန်းကျောင်း တော်များထဲမှ တစ်ခုဖြစ်သည်။ ကျိုးသွမ့်ယွီ သူက ရှန့်ရှောင်း ကျောင်းတော်တွင် တပည့်များ အကြား ပထမမျိုးဆက်ထဲမှ တပည့်တစ်ဦးဖြစ်သည်။ ယခု သူက ရှန့်ရှောင်းကျောင်းထဲမှ သင်ကြားရေး အကြီးအကဲ တစ်ဦးဖြစ်လာခဲ့သည်။ ကျောင်းတော် ကျောင်းအုပ်သည် ကျိုးသွမ့်ယွီ၊ ဆရာ၏ တပည့် ဖြစ်လေရာ ကျောင်းအုပ်ကပင် သူ့ကို ဆရာတူ အစ်ကိုကျိုးဟု ခေါ်ဆိုရသည်။

       ကျိုးသွမ့်ယွီသည် ရှန့်ရှောင်းကျောင်းတော်တွင် တိုက်ရိုက်တပည့် မရှိပေ။ အကြောင်းမှာ သူ၏ ဒဏ်ကိုမခံနိုင်ဘဲ ထွက်ပြေး သွားသောကြောင့်ပင် ဖြစ်၏။ ထို့ကြောင့် နောက်ပိုင်းတွင် ကျိုးသွမ့်ယွီက တပည့်မထားတော့ပေ။ ကျောင်းတော်သားများနှင့် သင်ကြားရေး ဆရာများက သူ့အား ကွယ်ရာတွင် မျက်နှာအေးနှင့်လူငယ်ဟု ခေါ်ဝယ်ကြသည်။ မည်သို့ပင် ဖြစ်စေကာမူ ထိုအရာက ကွယ်ရာ၌သာ ဖြစ်ပြီး သူ့ရှေ့မောက်တွင်တော့ ခေါင်းတောင် မဖော်ရဲကြပေ။