اهرب من الماضي اليك
#زينب الجبوري
سناء:عمه ذني نسوان بالباب يردوج.........
ام سلطان:منو ذني الي يردني .........
_ام سعدون وجايه وياها جم مره.........انتبهت على نور نكزت راستا والابتسامه انرسمت على اشفايفها ما اهتميت الها ودرت على مهند......
هدى:تريد اصبلك بعد جاي.........
_لا كافي ما اريد شربت اهواي اليوم......
ام سلطان:انتي ليش عايفه المره بره يم الباب دخليها للاستقبال.........راحت سناء. وعمتي كامت وراها دارت عليه وحجت.........
_يمه هدواي فدوه اروحلج بس اريدج اتحمين الجاي واتحطين الكيك الي سويتيه بصينيه واتجيبينه بالاستقبال......
_حاضر عمه تدللين .........انطيت نور للمهند وكمت خذيت قوري الچاي انتبهت للمهند اليوم حالته مو طبيعيه ابد خوفي لا راجع الهن بس هوه كال ما ارجعلهن ووعدني ما يرجعلهن اكيد ما راح يخلف ابوعده الي .........باوعت للقوري ما بيه تقريبا امخلصه كمت وسويت واحد جديد درت وجهي شفت حماتي نور طبت للمطبخ والابتسامه ابوجها باوعتلي وحجت.........
_اممم هدى عوفي الجاي انه اسوي الضيافه انتي روحي شوفي بنتج اخاف بيها شي.........والله صراحه ما كلت باطل كمت وعفته ورحت يم مهند كعدت خذيت منه نور وضليت اناغيها ويمها حسام وعلي اله امير للحد هسه ما يدنه يمها ايغار منها كلشش .........
علي:ماما نور يمته تلعب ويانه بالشارع .........
_بس تكبر اتضل تلعب وياكم......ضل لازم ايدها ويلعب بيهن وايبوسها .........
_ماما ليش ما تاخذين زهوره من عمه سناء وانتي اتربيها واتصيرين امها احسن من عمه سناء.........
_حبيبي ما ايصير هيج اتكول زهوره لازم تتربه عد امها مو عندي.........
_بس عمه سناء ما اتخليني العب وياها وانه احب زهوره مثل ما احب نور......
_هههههه من يجي عمو روح العب وياها......هز راسه وضحك .........شفت مهند كام باوعتله وحجيت......
_ها حبيبي وين رايح......
_رايح ارتاح تعبت اليوم......كمت وراه خذيت نور وصعدت وياه وبقوا جهالي جوه يم عمهم ايلعبون انه وحماي سلطان بعدنه ما نحجي وسلطان طبعه حاقد من يغلط وياه شخص ايضل حاقد عليه طول عمره يله انه اشعليه بيه جم شهر واطلع من هالبيت وارتاح ......طبينه للغرفه شمر روحه مهند على الفراش ونام وانه ضليت انوم بنور ابكوه غفت كمت نومتها وجبت الهدوم استغليت فرصه نومها وضليت اطبكهن خلصت منهن ونزلت جوه لكيت النسوان طالعين بره باقيه بس عمتي كاعده تحجي ويه سلطان وعمي......
ام سلطان:اي ابو سلطان ام سعدون اجت تخطب نور لابنها حمزه انه كلتلها اشوف ابو سلطان واخوانها وانردلكم خبر ......
أنت تقرأ
اهرب من الماضي اليك
Randomخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
