اهرب من الماضي اليك

بارت١٩

اهرب من الماضي اليك

حسام :طلعت من الغرفه وشفت باب السطح مفتوح كمت وصعدت فوك اتبسمرت ابمكاني من شفت ابوي واكف على السطح وبيده مسدس وحاطه على راسه جسمي ضل يرجف من المنضر الي اكبالي رجل تتقدم ورجل تتاخر اتقربت من ابوي دار وجهه عليه وحجه............

مهند:حساام ارجع للمكانك لا تتقرب مني.........

_لا اتروح واتعوفنه احنه محتاجيك وعمتي نور والله راح ترجع النه يابه فدوه لا تكل روحك احنه محتاجيك اخواني واختي نور محتاجتلك لا اتروح احنه انضيع بدونك............جنت احجي وادموعي اصب باوعلي وابتسم بيئس وحجه ............

_انه راح اروح بس انته موجود ابمكاني وراح تاخذ دوري وما راح اتقصر على اخوانك ونور اختك دير بالك عليها وحطها بعينك واذا اتريدني ارتاح ابكبري نور لا ازعلها ............اجيت اركض واصيح للاي واحد يجي ياخذ السلاح بس ما لحكت مجرد ما ردت انطق صوت الطلقه انطلق وجان اسرع مني والدم ضل يتطافر بكل مكان ضليت جامد ابمكاني وانه اشوف الطلقه اخترقت راس ابوي والدم سبح بيه طاح ابوي بالكاع اكبالي ويم رجلي وانه صافن عليه اكول هاي مو حقيقه يمكن حلم ابوي مستحيل ايعوفنه وايروح صافن على الدم الي ترس الكاع هذه دم ابوي باوعت للوجهه وميلت راسي وانه اباوع للملامحه الي بده الدم ايغطيهن اعيونه بعدهن امفتحهن وصافن ابفراغ اشوي وصعدوا عمامي وانه فاصل عن العالم ما كاعد اسمع اشيحجون بس صافن على ابوي اباوع للعمي سلطان ايشيل بيه وهوه جثه هامده ما ينطي اي رده فعل بس اعيونه امفتحات شاله عمي سلطان وعمي حسين ونزلوا بيه جوه رحت يم دمه كعدت بالكاع مديت ايدي لزمت دمه بيدي صفنت عليه انه بحلم لو بعلم هاي ابوي راح وبعد ما اشوفه بقيت كاعد على دمه وصافن كله مني ابوي راح لو ما امفتن على عمتي نور جان ما انهزمت وابوي جان ما انتحر بس من وراي ابوي انتحر وراح وعافنه انه واخواني ابوحدنه محد يمنه .........

هدى:المشط طاح من ايدي وحسيت الدنيا افترت بيه ضليت ما اسمع اشكاعد يحجون كلبي حسسني صار شي للمهند بس اتجاهلت هالاحساس ودست على احساسي وما رحت شفته نسرين تحجي واتهز بيه وانه فاصله ما اسمع اشكاعده تحجي عفتها وكمت جريت عبايتي وطلعت من البيت حافيه اركض مهما صار ايضل ابو جهالي وابن عمتي وعشت وياه عمر فما اتمناله اي شي ايصير بيه وصلت للبيت عمتي وصوت ااصريخ حماوتي تارس البيت طبيت داخل وانه اندعي كون كل هذه يطلع جذب ومهند ما بيه شي رحت على حمواتي احاجيهن واهز بيهن اريد ينطقن وايبردن كلبي وايكولن مهند ما بيه شي.........

هدى:احجنننن اشصااااييررر مهنددد اشبيه وينننن مهنددد كااافييي اسكتن ام حسينن ام علي فدددووه احجن مهند اشبيه .........اهز واضرب بيهن بس اريدهن يحجن ماكو شفت سناء كاعده ابجه وتبجي رحت ركض عليه شمرت روحي اكبالها وحجيت.........

_سناااء ابغلاه جهالج احجيييي مهنددد وييييننه ليش كاعدين تبجون مهند اشبيه............

_ولج مهند ماتتت مهنددد انتحرررر.........